Bikar á sunnudag

Fyrsti leikur Puma í bikarnum er á næstkomandi sunnudag. Tekur Puma á móti nýliðum í deildinni, liðinu KWS. Lítið er vitað um lið KWS og ekki náðist í Sveinn, einn af umsjónarmönnum liðsins við vinnslu fréttarinnar.

Eftir ófarir Puma í fyrsta leik í deildinni verða leikmenn og stjórnendateymi að taka sig til í andlitinu, því ósættanlegt væri ef liðið félli úr bikarnum í fyrstu umverð.

Framkvæmdarstjórn Puma hefur beðið um að koma eftirfarandi á framfæri: "Leikurinn verður háður á Framvelli í Safamýri og hefst leikurinn klukkan 18:00. Því mæta leikmenn klukkan 17:00."

 - Ritstjórn

Glötuðum unnum leik

Á sunnudag lék Puma sinn fyrsta leik á tímabilinu. Var liðið mætt í Safamýrina í blíðskaparveðri og voru mótherjar FC Moppa.

Leikurinn fór vel af stað fyrir Puma, en liðið skoraði strax á 2 mínútu en þar var á ferðinni enginn annar en hinn síungi Ívar Guðmundsson, sem átti skot fyrir utan teig sem hafnaði í þaknetinu, 1-0. Puma átti yfirhöndina í leiknum og átti í raun fjöldann allan af hálffærum en eitthvað varð til þess að liðið náði ekki að klára færin. Það var þó Viðar Ingi Pétursson sem kom Puma í 2-0 á 30 mínútu, hans fyrsta snerting, er hann þrumaði knettinum snyrtilega efst í markhornið eftir gassagang í markteig Moppu.

Staðan 2-0 og Puma átti leikinn í hendi sér. Moppa fékk þó hornspyrnu á 38 mínútu og uppskar mark, sem skorað var með hörkuskalla, Þorleifur frosinn á marklínu, en Viðar reyndi þó að bjarga en skallaði í markið. Staðan því 2-1, og blásið var til hálfleiks.

Seinnihálfleikur fór ágætlega af stað fyrir Puma. Liðið átti nokkrar ágætis sóknir en það var Ívar sem kom liðinu í 3-1 eftir að hafa komist einn inn fyrir og setti boltann auðveldlega í markið. Leit út fyrir að Puma væri að innbyrgða sigur í fyrsta leik mótsins, rétt eins og það hefur gert undanfarin ár.

Puma slakaði verulega á á þessum tímapunkti sem varð til þess að Moppa komst inn í leikinn og nýtti ágætisfæri sem liðið fékk á 55 mínútu. Átti þá miðjumaður Moppu glæsilegt skot sem endaði í vinkli marks Puma sem Þorleifur átti engin svör við, 3-2. Puma gaf þó aðeins í en við það tók dómari leiksins leikinn í sínar hendur þar sem hann átti hvern "heimsklassa" dóminn á fætur öðrum, en dómarinn hafði átt ágætis leik framan af, með tilliti til þess að hann yfirgaf ekki miðjuhring vallarins.

Af einhverjum óskiljanlegum ástæðum dæmdi dómari leiksins svo vítaspyrnu á Puma þegar um 10 mínútur voru eftir af leiknum. Úr henni var skorað og staðan, 3-3. Urðu þetta lokatölur leiksins, en auðveldlega hefði mátt dæma vítaspyrnu á Moppu á síðustu mínútum leiksins þegar Ívar slapp einn inn fyrir og var brotið af honum með því að taka hann niður aftan frá. Í stað þess að vítaspyrna væri dæmd, var dæmt á Puma.

Puma getur vissulega lært af þessum leik og munu forráðamenn liðsins endurskoða sinn gang fyrir næsta leik. Leikmenn mega það vissulega líka þar sem liðið átti að sigra þennan leik, en þar sem einbeitningarleysi og óagi var meðal liðsins tapaðist leikurinn.

Maður leiksins:
Ívar Guðmundsson.

Byrjunarliðið eftirfarandi:

                 Ívar    Árni

    Már    Benni    Arnar    Laugi

Gunni   Alexander   Viggi    Hreiðar

                  Þorleifur

Bekkur:
Böðvar
Maggi E
Heiðar
Viðar

Mörk:
Ívar 2
Viðar 1

Spjöld:
Árni
Alexander

Æfingarleikur - Update

Æfingarleikur á morgun föstudag á svæði HK í Fagralundi Fossvogi Kópavogi. Mæting er 20:15 en leikur hefst stundvíslega kl. 21:00.

 Stefnt er að því að spila einnig leik á mánudag. Nánari upplýsingar um það síðar.

UPDATE:

Leikur frestast fram á mánudag vegna manneklu. Sami staður sami tími.

- Nefndin

Leikir sumarsins

Eftirfarandi eru leikir sumarsins. Nú geta því leikmenn og stjórnendur farið að skipuleggja sumarfrí:

 

Dagsetning	Tími	Umf	Lið1	Lið2	Vellir:
18.5.2008	18:00	1	Puma	Fc Moppa	Fram
8.6.2008	19:30	2	Melsted	Puma	Fylkir
15.6.2008	19:30	3	Puma	Geirfuglar	Fylkir
23.6.2008	21:00	4	Strumpar	Puma	HK
30.6.2008	21:00	5	Puma	Kumho	Ásvellir
14.7.2008	19:30	6	Elliði	Puma	Ásvellir
29.7.2008	19:30	8	Puma	Vatnsberar	Ásvellir
12.8.2008	19:30	9	Nings	Puma	Ásvellir
25.8.2008	19:30	10	Puma	Fc Fame	Ásvellir
31.8.2008	21:00	11	Hjörleifur	Puma	Fylkir

- Nefndin

Dregið í riðla

Í gær mánudag var dregið í riðla fyrir komandi tímabil í Utandeildinni. Puma drógst í A-riðil. Eftirfarandi er skipan riðla í sumar:

A-riðill
Strumpar
Kumho
Elliði
Puma
Vatnsberar
Nings
Fc Fame
Hjörleifur
Fc Moppa
Melsted
Geirfuglar

B-riðill
TLC
Fc CCCP
Vængir Júpíters
Dufþakur
Fc Dragon
Vatnaliljur
Homer
Áreitni
SÁÁ
Fc Ice
Metró

C-riðill
RWS
B-liðið
„Netbílar“
Boutros Ghali
G&T
Kærastan hans Ara
Kef fc
Fc Keppnis
Henson
Björninn
Cozzamara

Æfingar á mánudögum í sumar.

Með hækkandi sól og og hita fara Púmurnar undir bert loft. Þar af leiðandi viljum við ítreka breyttan æfingartíma og stað. Framvegis verða æfingar haldnar í Fagralundi kl. 20 á mánudögum.  Hvetjum alla til að mæta vel og reglulega. Frábærar aðstæður + kyngimagnaður félagsskapur = Sólarsamba ! 

Fyrir þá sem ekki vita (neitt), er Fagrilundur æfingasvæði HK í Fossvogi, Kópavogsmegin við Snælandsskóla

Komdu í Kópavoginn kútur
knattspyrnu að leika.
..og botnaðu nú ! (verðlaun í boði)

- Framkvæmdastjórn  

 

Viðar endanlega hættur!

Ritstjórn Puma fékk í morgun gögn sem sýna það að Viðar Ingi Pétursson miðvallarleikmaður Puma hefur sagt skilið við liðið, eða sé á leið frá liðinu. Hér til hliðar sjáum við samskipti Viðars og ónefnds aðila úr stjórn félagsins. Þar sjást greinilega hótanir Viðars og greinilegt að honum sé alvara með þessum skrifum enda CAPS LOCK á sem áherslulagning á orðin.

Sá orðrómur hefur áður komið upp að Viðar sé á leið frá félaginu. Eftirfarandi línur birtust einmitt hér þann 1. ágúst á síðasta ári, en þá átti Viðar einmitt í útistöðum við fálagið og framkvæmdastjórann:

---------------------

Ritstjórn Puma.blog.is að framkvæmdarstjórn hafi í samráði við stjórnarformann og eigendur Puma ákveðið að segja upp samningi við Viðar Inga Pétursson leikmanns númer 21. Viðar sem er á sínu 3 ári með Puma hefur lítið spilað með  liði Puma í vetur og fundið sig illa í þeim leikjum sem hann hefur verið með.

Fyrr í sumar byrjuðu strax vandamál milli Viðars og framkvæmdarstjóra liðsins, Böðvars Jónssonar. Viðar lét orð falla í fjölmiðlum sem framkvæmdarstjórn liðsins þótti ekki sæma. Sættir náðust eftir stífa fundi og málið þótti leyst. Puma sem fór vel af stað í deild og bikar, mátti játa sig sigraða eftir leik við Elliða seinni part júlímánaðar. Á sunnudag í leik Puma á móti Vængjum Júpítersrauk svo Viðar heim til sín eftir að hafa verið tekin af velli í undir lok leiksins. Í framhaldi af því birti Viðar yfirlýsingu hér á vefnum, en hana birtum við hér:

"Undirritaður er gengin til liðs við sitt gamla félag Hunangstunglið. 
Þeir eru að vísu ekki með í ár en ... en ...en BARA! Kem til með að æfa grimmt með HK-heldri engu að síður. Megið sossum hringja í mig ef mannekla ..þannig. Kveðja, Viðar I. Pétursson # 21"

---------------------

Ritstjórn kemur til með að leyfa þyrstum lesendum að fylgjast með málinu, en allt lítur út fyrir að Víðar sé "loksins" á leið frá félaginu.

 - Ritstjórn

Árshátíð slegið á frest

Þrátt fyrir frestandi tilboð um ógleymanlega ferð til Lundúna, hefur „árshátíðinni“  verið skotið á frest í bili sökum manneklu og óhagstæðra samninga þegar nánar var að gáð.

Skemmtinefndinni er samt sem áður þakkað fyrir þetta góða framtak.  Árar verða þó ekki lagðar í bát nema þó um stuttan tíma.

Nefndin stefnir á að endurtaka leikinn með vorinu, þ.e.a.s.  koma á fót stuttri ferð til London eða annarrar heillandi borgar í Evrópu, ef sérlega hagstæð kjör nást.  

Nefndin vill þ.a.l. biðja liðsmenn um að vera á tánum og  fylgjast með hér á síðunni, því ljóst er að fyrirvarinn verður e.t.v. stuttur .

-          Ritstjórn

Árshátíð Puma 2008

Nú verða menn að grípa í klof og telja eistun hið snarasta.    Árshátíð Puma ber skjótt að þetta árið og verður haldin í London á laugardaginn kemur (16. Febrúar) . 

Flogið verður frá Keflavík kl. 7:15 á morgni laugardags og lent á Stansted í London kl. 10:10 að staðartíma.  Farið verður á leik Coventry og West Bromwich Albion  í  5. Umferð Ensku Bikarkeppninnar  kl. 15 á Ricoh Arena í Coventry ( 60 mín með lest).   

Um kvöldin liggur leiðin í O2-höllina í London á tónleika með Smashing Pumpkins.

Að því loknu verður heljarinnar húllumhæ í miðbæ Lundúnaborgar fram eftir morgni.  Flogið verður heim til Íslands um hádegisbil á sunnudag, þannig að menn ná sunnudagssteikinni  um kveldið hér á fróni.

Flug (báðar leiðir) + Hótel (1 nótt) + miði á leik + miði á tónleika
=  AÐEINS 35.000 kr. !!

Endilega kommenterið hér að neðan  þeir sem eru til í tuskið

-Skemmtinefndin

Arnar á toppnum

Átján leikmenn voru mættir til æfinga í Kópavogs-Kórinn í gær. Liðin voru skipuð eftirfarandi leikmönnum:

Lið 1:
Böddi, Ívar, Árni, Gunni, Brynjar, Alex, Már J, Benni, Einar.

Lið 2:
Viddi, Viggi, Veddi, Arnar, Þóró, Þórhallur, Emil, Margeir, Ágúst.

 Lið 2 sigraði með þremur mörkum. Svo fá voru þau orð.

Staðan er nú þessi, þar sem Arnar trónir á toppnum með 17 stig.

Sæti	Nafn	Samtals stig
1	Arnar	17
2 - 3	Viddi	14
2 - 3	Már J.	14
4 - 5	Jón Helgi	13
4 - 5	Gunni	13
6 - 7	Benni	11
6 - 7	Þórhallur	11
8 - 10	Haukur	10
8 - 10	Einar	10
8 - 10	Viggi	10
11 - 12	Hreiðar	9
11 - 12	Þórólfur	9
13 - 14	Gummi	8
13 - 14	Árni	8
15 - 16	Ívar G	7
15 - 16	Veddi	7
17 - 19	Gísli	5
17 - 19	Böddi	5
17 - 19	Margeir	5
20 - 23	Binni	4
20 - 23	Annel	4
20 - 23	Emil	4
20 - 23	Ágúst	4
24 - 26	Varði	2
24 - 26	Alexander	2
24 - 26	Brynjar	2
27 - 30	Jón Ingi	1
27 - 30	Maggi E.	1
27 - 30	Atli	1
27 - 30	Jón Gunnar	1

Combat Conditioning

Ritstjórn Puma.blog.is hefur verið beðin að koma eftirfarandi á framfæri:

Vilt þú skora 13 mörk næsta sumar og vera valinn LEIKMAÐUR ÁRSINS? 

Þá er rétti tíminn núna til að mæta á þriðjudags- og fimmtudags morgnum í Mjölni og taka æfingar með Árna úr járni og Arnari þumalskrúfu. 

Puma leikmönnum stendur til boða að koma í hóptíma.  Tímarnir byggjast á vinnu með eigin þyngd og einhver lóð.  Mjög fjölbreyttar, erfiðar og skemmtilegar æfingar.  Mikill sviti, smá blóð og hellingur af tárum en árangurinn lætur ekki á sér standa. 

Tímasetning 06:00 til 07:00 á Þriðjudags- og fimmtudags morgnum. 

Verð 9.000 krónur ( sem er fáránlega lítið). 

Kerlingar mæti bara næst á fótboltaæfingu á þriðjudagskvöld en KARLMENN HRINGJA Í 844-2952 OG MELDA SIG INN. 

Kv.
Þjálfi

"Fernan er bara fantur !"

Svo virðist sem Vésteinn G. Hauksson framherji Puma, betur þekktur sem fernan,  hafi gerst sekur um fólskulegt ásetningsbrot á æfingu í Kórnum í gærkvöldi.   Fernunni hefur jú oft áður orðið heitt í hamsi, og ber vel að merkja fyrsta leik hans í Puma búningi þegar umræddum var vikið af velli eftir rétt rúmar 5 mínútur fyrir ofbeldisfulla hegðun  (e. violent conduct).

Að þessu sinni var það samherji Vésteins, Benedikt Nikulás Anes Ketilsson  sem varð fyrir barðinu á hamslausri heift hans í leik.    „Ég var búinn að hirða af honum boltann nokkrum sinnum og klobbann einu sinni. Það hefur greinilega farið eitthvað fínt í hann og hann brugðist við með þessum hætti. Hann keyrði mig niður á miðjum vellinum, hreinlega sópar undan mér löppunum og skokkar svo bara í burtu. Ég spurði hann hvað honum gengi til, en þar var ekki afsökunarbeiðni fyrir að fara. Fernan er bara fantur!  Það er orðið helvíti hart ef maður á það á hættu að enda ferilinn á æfingu eftir svona óþarfa fautaskap.“  Sagði BNAK sár og vonsvikinn seint í gærkvöldi.

Þess má geta að þetta var fyrsta formlega æfing Fernunnar á undirbúningstímabilinu, og má ætla af þessu að hann komi vægast sagt grimmur til leiks.   Það eina sem Vésteinn vildi um málið segja þegar ritstjórn náði tali af honum seinnipartinn var, "Það sem gerist á vellinum, endar í sturtunni". 

Benedikt vildi þó við þetta bæta að hann ætti ekki eftir að erfa þetta við Véstein, heldur þætti vænt um að framherjinn hárprúði mundi hugsa sinn gang og beisla þessa reiði í eitthvað uppbyggilegra en að strauja niður samherja sína.   „þessi hegðun hæfir ekki  Leikmanni ársins. Hann verður að axla þá ábyrgð sem titlinum fylgir. Nú er að fjölga ungum leikmönnum í klúbbnum og hann sem og við allir verðum að vera þeim fyrirmynd. Þetta á ekki að sjást  á æfingum.“

Framkvæmdastjórn hefur ákveðið að aðhafast ekki frekar í málinu: „Við leysum þetta eins og fullorðnir menn. Nú menn eru heitir á æfingum og þá vill stundum sjóða uppúr , þannig er það bara. Að sjálfsögðu fordæmum við svona lagað og er ég með engu móti að réttlæta hegðun Vésteins, þvert á móti.  Ég mun setjast niður með Fernunni og fara yfir þetta, hann má klárlega búast við því.“  Sagði Böðvar Jónsson í samtali við ritstjóra nú rétt eftir hádegið.

-Ritstjórn

Nýir búningar ?

Á þessu tímapunkti koma iðulega fram myndir af búningum sem knattspyrnulið eru sögð koma til með að spila í á næsta tímabili. Þetta á nú yfirleitt við stærstu félagslið í heimi. Myndir hafa einmitt komið fram af nýjum búningum Liverpool, sem má finna á þessari slóð, http://www.anfield-online.co.uk/lfc-news/2008/new-liverpool-fc-shirts-kits-200809/.

Ljóst er að Puma lætur ekki sitt eftir liggja í þessum málum. Lekið hefur út að liðið komi til með að spila í nýjum búningum á komandi tímabili, þrátt fyrir að hafa fengið nýja búninga á því síðasta. Ekki hefur fengist staðfest með þessa sögu, en enga síður eru búningarnir sem fram hafa komið glæsilegir.

 

                 Aðalbúningur                           Varabúningur  

 

 - Ritstjórn

Heimsenda kom ver allr

Á slóðum forfeðra okkar að Heimsenda sóttu fjöldi Puma æfingu í gærkvöldi. Menn höfðu vaðið eld og brennistein til þess að spila fótbolta og fá sína vikulegu útrás. Átján Pumur hófu klárar leik þar sem samviskulega var skipt í lið, þó mótbárur einhverja pilta hafi borist.

Veddi, Varði og Margeir mættu á sínu fyrstu æfingu á árinu. Þá mætti einnig leikmaður til reynslu. Sá er Valsmaður úr Hlíðunum og tekur Puma fagnandi við honum meðan hann er á reynslu.

Eftirfarandi var liðskipan í gær:

Lið 1 (Gulir): Böddi, Árni, Ívar G, Varði, Nýliði, Haukur, Veddi, Margeir, Gísli

Lið 2 (Mislitir): Benni, Arnar, Gummi, Einar, Þórhallur, Már J., Viddi, Gunni, Viggi

Leikar enduðu þannig að lið 2 fór með sigur að hólmi þrátt fyrir að hafa verið ávallt undir í leiknum. Það var ekki fyrr en á síðustu mínútu leiksins að Vigfús, hinn eini og sanni, kláraði leikinn með skoti úr teig sem þandi netmöskvana.

STÓRA STIGAKEPPNIN er orðin gríðarlega spennandi. Jón Helgi hélt efsta sætinu þrátt fyrir að hafa boðað sig frá í kvöld, en rétt er að minna á að fyrir það fékk hann stig. Með Jóni eru á toppnum Már J og Arnar, en Gunnar er nartandi í hæla þeirra með 12 kvikindi.

	Mæting	Sigur	Mætingarhlutfall	Sigurhlutfall	Samtals stig
Jón Helgi	4	9	100%	100%	13
Már J.	4	9	100%	75%	13
Arnar	4	9	100%	75%	13
Gunni	3	9	75%	75%	12
Viddi	4	6	100%	50%	10
Haukur	4	6	100%	50%	10
Benni	4	6	100%	50%	10
Einar	3	6	75%	50%	9
Hreiðar	3	6	75%	50%	9
Gummi	2	6	50%	50%	8
Árni	4	3	100%	25%	7
Þórhallur	4	3	100%	25%	7
Ívar G	3	3	75%	25%	6
Viggi	3	3	75%	25%	6
Þórólfur	2	3	50%	25%	5
Gísli	2	3	50%	25%	5
Böddi	4	0	100%	-	4
Binni	4	0	100%	-	4
Annel	1	3	25%	25%	4
Veddi	3	0	75%	-	3
Varði	2	0	50%	-	2
Jón Ingi	1	0	25%	-	1
Maggi E.	1	0	25%	-	1
Alexander	1	0	25%	-	1
Atli	1	0	25%	-	1
Jón Gunnar	1	0	25%	-	1
Margeir	1	0	25%	-	1
Nýliðinn	1	0	25%	-	1

 

  - Nefndin

Að vanda.....

...æfing í Kórnum Kópavogi í kvöld kl. 21:00. Góð mæting hefur verið að undanförnu og spilaður hefur verið skemmtileg knattspyrna.

Gríðarleg stemmning er komin í stigaleik Puma, þar sem menn fá stig fyrir mætingar og sigra á æfingum. Staðan eftir þrjár æfingar er þannig að Jón Helgi, hin gríðarsnöggi, lipri og hnyttni varnar/kant/miðju/drottnandi/vængmaður trónir á toppnum með 12 stig. Staða efstu 10 manna sjáum við hér:

	Mæting	Sigur	Mætingarhlutfall	Sigurhlutfall	Samtals stig
Jón Helgi	3	9	100%	100%	12
Haukur	3	6	100%	67%	9
Már J.	3	6	100%	67%	9
Arnar	3	6	100%	67%	9
Hreiðar	3	6	100%	67%	9
Gunni	2	6	67%	67%	8
Árni	3	3	100%	33%	6
Viddi	3	3	100%	33%	6
Benni	3	3	100%	33%	6
Þórólfur	2	3	67%	33%	5

Reikna má með spennandi bolta í kvöld þar sem ljóst er að fjórir leikmenn geta komist á toppinn ef Jón Helgi misstígur sig.

 - Nefndin