Atli Már kominn í leitirnar !

Miðjumaðurinn knái en bráðum hnöttótti, Atli Már Daðason, hefur verið fjarri góðu gamni síðan í vor. Margir hafa spurt sig og aðra, hvað gengur drengnum til? Hver er sagan með Atla? Hvar í helvítinu er Atli?  o.s.frv.  Fréttaritarar okkar í suðurhöfum, nánar tiltekið Ástralíu, hafa hinsvegar haft upp á kauða.  Atli, eða Ætli eins og hann er oft réttilega kallaður, hefur ávallt þótt heldur einkennilegur fýr og í besta falli vafasamur.  Við birtum hér grein úr Áströlsku dagblaði, þar sem títtnefndur félagi vor komst í kast við lögin sem og fyrir vökul augu fjölmiðla þar syðra.

Puma sýnir samhug í verki og óskar Atla alls hins besta um leið og við bjóðum hann velkominn til æfinga í Fagralundi sem allra fyrst.  Einu sinni Púma, alltaf Púma   ...líka rohypnol-rúnkarar.

- Ritstjórn

Múgur & margmenni

Athygli vakti í leik Puma við Asíu í gær, hvursu gríðarlega þétt setinn bekkurinn var hjá heimamönnum. Slegið var aðsóknarmet í mætingu leikmanna, alls 24 talsins, og eðlilega erfitt að halda utan um skiptingar.  Þröngt máttu sáttir sitja á bekknum, og heyrðust iðulega harmakvein þeirra sem hvíldu þar sem þeir biðluðu til spilandi leikmanna um að koma af velli.  Það var mál margra að svona gætu leikirnir ekki farið fram með góðu móti. Hugmyndir um að skikka hópinn við 18 leikmenn skutu m.a. upp kollinum.  Reglur því samfara gætu verið á þá leið að meldingar + mæting á æfingar og leiki, ráði því hverjir ná í hópinn.  Þetta vandamál er sem betur fer sjaldgæft og frekar undantekning en regla að fleiri en 18 láti sjá sig.  En nú fara í hönd mikilvægir leikir á borð við 8-liða úrslit í bikar.  Ef hagstæð úrslit eiga að nást er ljóst að mæting uppá 20+  gerir liðinu erfitt fyrir, ef allir gera þá kröfu að fá sínar mínútur.

Þetta er í raun “gott” vandamál að hafa á þessum vettvangi. Flestir kannast við það í gegnum árin að mætingin hefur stundum hljóðað uppá  10-13 leikmenn, sem er öllu leiðinlegri uppákoma. Öllu má þó ofgera að margra mati, og vonandi náum við að sigla hinn gullna meðalveg í komandi leikjum.  Taka skal fram að hér er um að ræða hugrenningar frá leikmönnum sjálfum sem komu uppá yfirborðið í og eftir leik gærkvöldsins. Það er svo spurning hvort framkvæmdastjórn taki þær til greina.

- Ritstjórn.

International Fagrilundur

Það var fjölmenni/menning mætt í Fagralund Puma í gærkveldi, mánudag. Þá leiddu saman hesta sína í vináttu-æfingarleik lið Puma, ásamt nokkrum leikmönnum HK heldri, og hið alþjóðlega lið FC Asía, skipað leikmönnum frá hinum og þessum löndum þessarar stóru heimsálfu. Til að gera gott betur og hafa alþjóðleikan í fyrirrúmi þá var dómari leiksins hin magnaði Svíi Lee Hong Yii, en Lee átti stórleik í dómgæslunni og þaut um völlinn eins og vindurinn og lék alveg frá byrjun í stöðu dómara og línuvarða og var með gjörsamlega allt á hreinu, enda með dómararéttindi frá Djurgarden.

Mæting í leiki Puma á sumrinu hefur verið með ágætum og hefur hingað til ekki verið kvartað þegar margir mæta í leiki. Þó má segja að í gærkveldi hafi mætingin verið einum og mikið af því góða. Mættir voru 24 manns tilbúnir að leggja allt sitt af mörkum til þess að sigra hið alþjóðlega lið FC Asíu. Var ákveðið strax í byrjun að skipa tvo menn í hverja stöðu og skiptu menn sitthvorum hálfleiknum á milli sín, en spilað var 2x40 mín.

Leikurinn fór vel af stað að vanda og spilaði Puma ágætis knattspyrnu. Viðar Ingi Pétursson var að byrja leikinn gríðarlega vel, sífellt ógnandi á vinstri vængnum og sýndi oft á tíðum mikil tilþrif með hættulegum sendingum og leikni sinni með knöttinn.[einstök atriði í umfjöllun kunna að vera röng]  Þó var staðan 0-0 í hálfleik og voru Pumur sammála um að það ættu ekki að vera lokatölur leiksins. Slæmt atvik átti sér stað rétt fyrir lok seinni hálfleiks en þá þurfti Árni Þór Eyþórsson að fara meiddur út af þar sem hann snéri sig á ökla. Gert er ráð fyrir því að Árni verði þó orðinn klár fyrir bikarleikinn á sunnudag.

Það leið ekki á löngu í seinni hálfleik þangað til Vésteinn Gauti Hauksson setti boltann í netið við gríðarleg fagnaðarlæti allra Puma á vellinum sem utan hans, 1-0. Vésteinn bætti svo marki við nokkrum mínútum seinna, 2-0. Vésteinn greinilega kominn á skotskóna aftur og staðráðinn í því að ná í gullskó Utandeildarinnar þetta sumarið, en Vésteinn er einn af 4 markahæstu mönnum deildarinnar. Það var greinilegt að leikmenn Puma voru komnir á sporið. Í framhaldi af mörkunum tveimur áttu Pumur nokkur dauðafæri þar sem bæði Böðvar og Ívar Jónssynir komust í upplögð færi. Það var þó Benidikt Nikulás Anus Ketilsson sem skoraði þriðja mark leiksins, að gríðarlegu harðfylgi, staðan 3-0. Fjórða og síðasta mark leiksins skoraði svo Böðvar eftir að Gunnar Sigurðsson, sem þótti vel girtur í leiknum, gaf skemmtilega sendingu á drenginn sem renndi boltanum framhjá markmanni Asíu með viðkomu í varnarmanni, 4-0.

Óhætt er að segja að Puma hafi verið mun sterkari en lið Asiu. Heilt yfir lék lið Puma ágætis bolta, en alltaf erfitt að dæma liðið sem heild þar sem 24 menn spiluðu leikinn. Þó átti Vigfús stórkostlegan leik í hjarta miðjunnar og átti ástríkt og innihaldsmikið samband við dómara leiksins á meðan leiknum stóð. Ritstjórn skilst að það hafi orðið eitthvað meira eftir leikinn. Það var einnig gaman að sjá Hreiðar Þór Jónsson koma aftur inn í lið Puma, en aðstoðarframkvæmdastjórinn hefur verið í fríi síðustu vikurnar.

Skemmtilegur leikur sem og ágætis æfing fyrir einn mikilvægasta leik tímabilsins sem er á sunnudag, Leik Puma og Kumho í átta liða úrslitum bikarkeppninnar.

Byrjunarlið:
Gummi
Már Yngri - Rúnar (HK) - Alexander - Maggi E.
Varði - Benni - Arnar- Viddi
Veddi -  Siggi (HK)

Bekkur: Allt of margir til að telja þá upp!

Mörk: Vésteinn (2), Benedikt, Böðvar

Stoðsendingar: Gunnar Sigurðsson 2,  ?

Maður leiksins:  Dómarinn. Átti klassa leik og skammaði menn grimmt, bæði í leik og hálfleik.

Stórtækir styrktaraðilar

Fjölskyldan á Stað í Hrútafirði hefur selt allt hlutafé sitt í Staðarskála ehf. til eins af aðalstyrktaraðilum Puma,  N1, en gengið var frá þessum kaupum nýlega. Fyrir átti N1 um fjórðungshlut í Staðarskála ehf. sem rekur í dag Staðarskála, Veitingaskálann Brú og Gistihúsið Staðarflöt. N1 hefur áform um að reka félagið í óbreyttri mynd þar til að nýr vegur í botni Hrútafjarðar verður tilbúinn. Þá er gert ráð fyrir að sameina Staðarskála og Veitingaskálann Brú við ný gatnamót þjóðvegar 1 og Djúpvegar undir merkjum Staðarskála og N1.

Bræðurnir Eiríkur og Magnús Gíslasynir, ásamt Báru Guðmundsdóttur frá Ófeigsfirði, eiginkonu Magnúsar, stofnuðu Staðarskála árið 1960. Börn Magnúsar og Báru hafa tekið þátt í rekstri Staðarskála.

Staðarskáli í Hrútafirði á sér um 50 ára sögu í ferðamálum á Íslandi og hefur um áraraðir gengt mikilvægu þjónustuhlutverki á þjóðleiðinni milli Norður- og Suðurlands. Starfsemi fyrirtækisins hefur haft mikil áhrif á ferðamál í Húnaþingi og  víðar. Staðarskáli er einn af stærri vinnuveitendum í Húnaþingi vestra, reksturinn skapar um 30 ársstörf.

Leikmenn Puma frá 33,3% afslátt af  Tuborg + Tequila chaser, gegn framvísum félagsskírteina og/eða  Puma-kreditkortinu.

- Ritstjórn.

(kær)Leikur í kvöld

Á fæðingardegi Móðir Theresu leikur Puma vináttu(lands)leik við Asíu í flóðlýstum Fagralundi kl. 21:30 í kveld.  Móðir Theresa sem hét réttu nafni Agnes Gonxa Bojaxhiu fæddist þennan dag árið 1910. Hún var kaþólsk nunna og víðfrægur mannvinur sem  lést 5. september árið 1997. 

Knattspyrnufélagið Puma vill nota tækifærið og votta aðstandendum samúð sína á þessum merka degi. Þar sem Puma-liðið er annálað fyrir að vera sannkristið og trúrækið knattspyrnulið fyrir utan það að vera mikilvirkir mannvinir , er dagsskipunin einföld:   Tökum ´etta fyrir Theresu !   Sigrum í nafni alls þess sem er gott í heiminum. Sigrum í nafni kærleiksins !  Hallelúja, má ég heyra Amen.

Þess má einnig geta að á þessum sama degi árið 1912, kom út í fyrsta sinn bókin: Tarzan – Konungur apanna eftir Edgar Rice Burroughs.  Og ef það er ekki nóg til að kveikja í mönnum þá veit undirritaður ekki hvað !?!  

 PUMA – ASÍA  í Fagralundi í kvöld kl. 21:30  - Fjölmennum.  

- Ritstjórn

Leikmannakort

Fyrr á leiktíðinni kom fram hugmynd meðal framkvæmdastjórnar Puma að í ár yrðu hönnuð leikmannakort sem allir leikmenn myndu fá í lok leiktíðar. Undanfarna daga hefur hönnun kortanna átt sér stað. Framkvæmdastjórn vill nota tækifærið og kynna kortin til sögunar og biður um athugasemdir frá leikmönnum. Hér til hliðar er frumgerð af kortunum sem fara senn í prentun, en Böðvar Jónsson framkvæmdastjóri stendur þessa dagana í samningaviðræðum um fjármögnun og prentun á kortunum.

Eins og áður sagði er ætlun að prentuð verði kort fyrir alla leikmenn Puma sem spilað hafa í sumar. Stefnt er að því að allir leikmenn fái um 10 til 15 kort til þess að þeir geti "bíttað" við aðra leikmenn á kortum og í það minnsta komið sér upp sínu draumaliði með nokkrum varamönnum.

Framkvæmdastjórn vonar að þessi hugmynd falli í góðan jarðveg hjá leikmönnum og aðstandendum liðsins. Þess má geta að stefnt er að því áhangendur sem og aðstandendur liðsins geta pantað kort af sýnum uppáhalds leikmönnum með því að greiða vægt gjald fyrir. Upplýsingar um það koma seinna.

 - Framkvæmdastjórn

Ritstjóri íhugar framtíð sína.

Þegar kvissaðist út sá orðrómur að leiðtogi vor Böðvar Jónsson væri mögulega að segja stöðu sinni lausri í lok leiktíðar, fylltist ritstjóri alveg gríðarlegri þreytu og allt að því gekk berserksgang í höfuðstöðvum Puma við Skaftahlíð.

Ljóst þykir að ritstjóri lítur það mjög alvarlegum augum að starfa með öðrum en Böðvari, og vill ekki heyra á það minnst að hann sé á förum.

“Ef hann fer, þá er ég hættur !  já hættur sagði ég. Við Böðvar höfum átt prýðilegt samband og höfum í sameiningu verið að byggja upp sterkan og vaxandi netmiðil sem nýtur virðingar fyrir faglegan fréttaflutning. Ég er hræddur um að með tilkomu annars frkv.stjóra væri það starf í hættu, svo ekki sé minnst á framtíð Knattspyrnufélagsins.  Nú heimta ég að stjórnarformaður komi fram fyrir skjöldu og tryggi framtíð Böðvars sem framkvæmdastjóra. Hann nýtur fulls stuðnings Ritstjórnar sem og flestra ef ekki allra leikmanna, leyfi ég mér að segja."    

- Ritstjórn

Segir Böðvar upp?

Ritstjórn Puma.blog.is hefur áreiðanlegar heimildir fyrir því að Böðvar Jónsson, framkvæmdastjóri liðsins, sé alvarlega að hugsa sinn gang hvað varðar vinnu sína fyrir liðið. Böðvar sem er á sínu þriðja ári hjá félaginu hefur enn ekki skilað titli til félagsins, en fór þó með liðið í úrslit Bikars árið 2005, þar sem Alexander klúðraði eftirminnilega víti í vítaspyrnukeppni sem liðið tapaði.

Ekki náðist á Böðvar vegna þessa máls, en heimildir segja að Böðvar hafi hugað að hætta fyrir þetta tímabil og því sé þessi hugmynd ekki ný af nálinni. Náinn samstarfsmaður Böðvars, sem vildi ekki láta nafn síns getið sagði, “Böðvar hefur verið að vinna eins og tittlingur fyrir liðið í sumar og honum finnst einfallega ekkert nema vanþakklætið í hans garð. Þetta hefur verið áhugamál þeirra sem hafa komið að þessum liðum í þessari deild. Það fer mikill tími og miklir peningar í að stússast í kringum svona lagað og í einhverjum tilfella fá menn bara nóg.”

Ritstjórn Puma.blog.is vonar svo sannarlega að þessar sögusagnir séu ekki sannar og að heimildarmenn Puma fari í þessu tilfelli með rangt mál.

 - Ritstjórn

Annel Helgi til ÍR!

Annel Helgi Finnbogason leikmaður Puma hefur ákveðið að söðla um og hefur byrjað á fullum krafti að æfa með meistaraflokk ÍR. Annel sem leikið hefur vel með Puma á leiktíðinni sagði í viðtali við ritstjórn vilja fá betri æfingu en fyrir er hjá Puma þar sem hann gæti meðal annars bætt tækni.

Annel sagði í samtali við ritstjórn, “Pabbi er búinn að vera pressa grimmt á mig að fara á fullum krafti í þetta. Ég átti gott samtal í framhaldi af því við þjálfara ÍR sem bauð mig velkominn á æfingar með liðinu. Það er einmitt ástæðan fyrir því að ég mætti ekki í leik Puma og Dufþaks á sunnudag. Þá var ég einmitt á minni annarri æfingu með liðinu.”

Annel kemur þó til með að mæta í þá leiki sem Puma á eftir á þessu tímabili, enda kemur drengurinn ekki til með að spila leiki með ÍR það sem eftir er af sumri. “Já, ef það er í lagi að mæta bara í leiki þá hefði ég fullan hug á því að gera það með Puma, enda verð ég á æfingum svo að formið kemur ekki til með að hverfa.” sagði Annel að lokum.

Í samtali við Böðvar Jónsson framkvæmdastjóra Puma sagði Böðvar, “Það er alltaf ánægjulegt þegar menn vilja taka skrefið fram á við og styður stjórn Puma leikmenn til þess. Annel kemur til með að mæta í þá leiki sem eftir eru að tímabilinu þannig að strákurinn er ekki alveg horfinn frá okkur. Svo er bara að sjá hvort að hann komist í liðið og verði með ÍR næsta sumar. Það er alltaf leiðinlegt að missa leikmenn, sérstaklega þegar þeir eru eins ungir og graðir eins og hann Annel okkar, en eins og áður sagði þá hvetjum við menn til að leita hærri hæða hvað boltann varðar ef möguleikar eru á því.”

 - Ritstjórn

Gullskórinnn 2007

Ritstjórnarfulltrúi rak augun í umræðu á Utandeildarvefnum þar sem menn velta vöngum yfir því hver hreppi titilinn “Markakóngur Utandeildar 2007” .  Eitthvað hefur erfiðlega gengið að halda utan um þessa tölfræði, og í fljótu bragði óljóst að sjá hvernig staðan er.  Vésteinn Gauti Hauksson er þar nefndur með öðrum markahrókum og telst mönnum til að hann hafi sett 9 mörk það sem af er.  Aðrir sem þykja ansi líklegir eru Halldór  (Metró), Engilbert (Strumpar), Sigurður (Fc Ice). En eins og áður hefur komið fram liggur það ekki ljóst fyrir hvursu mörg mörk þessir herramenn hafa skorað.  Það er von okkar hér sem og annarra að þessu verði kippt í liðinn hið snarasta. Upplýsingar um markaskorara hefur vantað á nokkuð marga leiki, og á því strandar þetta.

Ekki er vitað að svo stöddu hvort einungis sé um að ræða mörk í deildinni, en líklegt þykir að talið sé samanlagt í deild og bikar.  Ritstjórn þykir einnig líklegt að leikmaður eða leikmenn Vængja Júpiters sé þarna ofarlega á blaði, í ljósi þess að þeir hafa skorða liða mest í deildinni eða 38 mörk í 8 leikjum.  Mönnum er e.t.v. í fersku minni leikur þeirra við Kónga sem endaði 17-0, þar sem 2 leikmenn skoruðu 5 mörk.

Sjá má umræðuþráðinn hér.  


- Ritstjórn.

Puma - Asía á mánudag

Nýtt lið er um þessar mundir að ryðja sér til rúms í knattpyrnuflórunni hér á fróni.  Þessi félagsskapur er harla óvenjulegur að því leiti að hann einskorðast við hinn Asíska kynstofn. Um er að ræða félagsskap manna ættaðra frá Asíu-löndum eins og Thailandi, Filipseyjum og fleirum. Gölli er drengur sem leikmenn Puma ættu að kannast við, en drengurinn sá er í forsvari fyrir þetta nýskipaða félag og var til að mynda að leysa hægri-bakvarðarstöðuna í æfingaleik Puma við FC Ice nú fyrr í mánuðinum.  Nú hefur pilturinn farið þess á leit við framkvæmdastjórn Puma að fá  “vináttuleik” í Fagralundi, sem að því er ritstjórn kemst næst, hefur verið settur á mánudaginn næstkomandi.

Eins og við er að búast ríkir mikil eftirvænting í herbúðum Asíu að fá þennan leik við jafnt virðulegt og fornfrægt félag og Puma. Böðvar Jónsson hafði litlar sem engar upplýsingar um liðið og styrkleika þess:   “Veistu það ég bara hreinlega veit það ekki, verður þetta ekki bara gaman?, Kannski kenna þeir okkur sitthvað í knattspyrnufræðunum og vonandi getum við hjálpað þeim í sinni uppbyggingu. Ég lít á þetta sem kærkomna viðbót í dagskránna okkar, næsti leikur okkar er ekki fyrr en 2. sept. og bara tilvalið að taka leik á mánudag. Þetta verður allt-að-því eins og landsleikur ...eða þannig ..ha"

Leikurinn fer fram, eins og áður segir,  í Fagralundi á mánudaginn 27. ágúst kl. 21:30.
Hvetjum alla til að mæta.

- Ritstjórn.

Mikilvægur sigur á bökkum Varmár

Puma var mætt með sterkan hóp til leiks í Mosfellsbænum í gærkveldi. Leikur í 8. umferð A-riðils Utandeildarinnar var framundan. Dufþakur var andstæðingurinn en ljóst var fyrir þennan leik að Duffi yrði erfiður andstæðingur. Ef Puma ætlaði sér að eiga séns í úrslitakeppnina yrði liðið að ná öllum stigum sem í boði voru. 

Lagt var upp með leikskipan 4-5-1 þar sem miðjan kæmi til með að sækja stíft með sókninni. Strax í upphafi leiks fóru marktækifærin að gera vart við sig hjá Puma. Það var þó lið Duffa sem átti fyrsta alvöru færi leiksins þegar bylmingsskot úr leik kom að marki Puma en Böðvar Jónsson varði boltann með tilþrifum sem var á leið í vinkilinn. Böðvar þurfti að nokkrum sinnum í viðbót taka á honum stóra sínum. 

Það voru þó leikmenn Puma sem komust yfir í leiknum með stórglæsilegu marki Vésteins Gauta Haukssonar á ca. 15 mínútu fyrri hálfleiks. Vésteinn tók við glæsilegri sendingu Árna Þórs Eyþórssonar, á kassann, tók boltann niður og flengdi kvikindið í fær horn andstæðingana, óverjanlegt fyrir markmann Dufþaks, 0-1. 

Leikmenn Duffa jöfnuðu þó metin stuttu seinna. Eftir baráttu sóknarmanns Duffa við tvo varnarmenn Puma komst hann einn inn fyrir og renndi boltanum fram hjá Böðvari markmanni Puma sem kom í úthlaup á móti kauða, 1-1. Margir vildu þó meina að brotið hefði verið á Gunnari Sigurðssyni í undanfara marksins, en dómarinn var á öðru máli.

Á um 30 mínútu fékk Ívar Guðmundsson sendingu og var um það bil að komast inn fyrir vörn Duffa er varnarmaður negldi hann niður, og rændi hann úrvals marktækifæri, en atvikið gerðist rétt fyrir utan vítateig Dufþaks. Hlaut varnarmaður Duffa rautt spjald fyrir vikið, réttur dómur. Þess má geta að sambærilegt atvik gerist einnig í seinni hálfleik þar sem Ívar náði ekki að klára dæmið þar sem brotið var á honum. 

Leikur Puma var frekar slakur í fyrrihálfleik að undanskildum fyrstu 15 mínútunum. Ritstjórn vill meina að það hafi litið út fyrir að Puma væri einum færri síðustu 10 mínútur fyrrihálfleiks þar sem leikmenn Duffa voru mun skæðari og vildu greinilega meira en leikmenn Puma. 

Skilaboðin fyrir seinni hálfleik voru greinilega að sækja meira skora á leikmenn Duffa, ná í öll þau stig sem í pottinum voru. Vésteinn átti nokkur úrvalsfæri og komst til að mynda einn inn fyrir vörn Duffa í tvígang, þar sem í fyrra skiptið markmaður Duffa hreinlega tók boltann af Vésteini og í seinna skiptið varði er Vésteinn skautt í höfuð hans.  

Puma komst aftur yfir á ca. 65 mínútu leiksins. Markið kom eftir snilldar sendingu frá Benedikt Nikulási Anes Ketilssyni á Árna, sem hefur verið óstöðvandi í síðustu leiknum Puma, sem komst einn inn fyrir vörn Duffa, sólaði markmann og setti boltann yfirvegað í markið, 1-2. Þess má geta að það gerist í tvígang að dómar féllu ekki með okkur þegar mörk voru dæmd af sökum rangstöðu. Meðal annars rétt fyrir leikslok var réttilegt mark dæmt af Puma er Vésteinn skoraði, rangt að mati leikmanna Puma sem og þeim áhorfendum sem á vellinum voru. 

Leikmenn Puma áttu ágætisdag. Viðar Ingi Pétursson opnaði m.a. vörnina í tvígang í seinni hálfleik með prýðilegum sendingum inn á Véstein sem sköpuðu upplögð marktækifæri. Már Jr. og Gunnar Sigurðsson voru að sinna hægri bakvarðarstöðunni með stakri prýði, sem og Arnar sem átti mjög góðan leik vinstra megin.

Gríðarlega mikilvægur sigur Puma staðreynd, þar sem leikmenn gáfu sig í verkefnið á kláruðu leikinn.  

Byrjunarlið:
Böðvar
Gunnar - Viggi - Alexander - Arnar
Már Þ. - Benni – Árni - Veddi - Varði
Ívar

Bekkur: Viðar, Magnús, Már J., Guðmundur, Hallgrímur 

Spjöld: Alexander Arnarson

Maður leiksins:  Vigfús Jóhann Þórisson. Var eins og klettur í vörninni sem hann stjórnaði eins og herforingi. Studdi miðjumenn og bakverði vel og hélt mönnum við efnið.  

 

Leikir kvöldsins í A-riðli.

19:00   Varmárvöllur,   Dufþakur – Puma

19:30   Ásvellir,             Vængir J. – TLC

20:30   Vármárvöllur,   Vatnaliljur – P. Gulla

21:00   Ásvellir,             Hjörleifur – Kóngarnir

 

Allt eru þetta mjög tvísýnir leikir í því sem á að heita 8. umferð A-riðils. En eins og mörgum er kunnugt hafa sum liðin aðeins leikið 5-6 leiki.  Ritstjórn gerist samt sem áður djörf og spáir “heimasigrum” á Ásvöllum, en “útisigrum” á Varmárvelli.  
                              

Duffi – Puma:   2-4 

Vængir – TLC: 3-1                       

Vatnaliljur – Pungar: 1-2      

Hjölli – Kóngar: 5-1      

             

Getraunaleikur í gangi. Sá getspakasti hlýtur að launum fyrirliðabandið og vítaskytta í næsta leik. (sem ku vera æfingaleikur á mánudaginn n.k. samkvæmt nýjustu heimildum, í fallega flóðlýstum Fagralundi.  Staðfest síðar.)

 

Staðan í A-riðli:              L S J T     Mörk     Stig

1. TLC	5	5	0	0	23:4	15
2. Elliði	7	4	2	1	13:7	14
3. Vængir Júpiters	5	4	1	0	24:2	13
4. Dufþakur	6	4	1	1	15:7	13
5. Puma	7	3	1	3	16:11	10
6. Hjörleifur	5	3	0	2	11:11	9
7. Kóngarnir	7	3	0	4	16:29	9
8. Geirfuglar	7	2	0	5	21:28	6
9. Dinamo Gym 80	7	1	1	5	10:25	4
10. Vatnaliljur	7	1	0	6	6:16	3
11. Pungmennafélagið Gulla	5	0	2	3	6:21	2

 

 

- Ritstjórn

Framkvæmdastjórinn áreittur á æfingu !

Vegna umfjöllunar netmiðilsins í gær um tillögur og áherslubreytingar hvað varðar uppstillingu og leikskipulag  liðsins, var framkvæmdastjórinn Böðvar Jónsson fyrir aðkasti nokkurra leikmanna á æfingu í Fagralundi í gærkvöldi.

“Já það má eignilega segja það, það veittust þarna að mér nokkrir menn sem höfðu sterkar skoðanir á þessu. Ég þurfti ítrekað að undirstrika það að þessar hugleiðingar voru ekki frá mér komnar. Reyndar ef menn rýna í þessu færslu má sjá að hún er alfarið sett fram sem umhugsunarvert lestrarefni til að skapa umræðu og skoðanaskipti, sem ég held að þeim (ritstjórn) hafi tekist.  Sem framkvæmdastjóri er ég þó opinn fyrir öllum athugasemdum leikmanna og tek flest það til greina og umhugsunar sem þeir hafa fram að færa. “

 

Böðvar var í þann mund að semja hvatningarræðuna fyrir leikinn gegn Dufþak í kvöld, þegar við ræddum við hann á Kringlukránni nú í morgun.

“Það er eitthvað sem ég mun leggja ríkari áherslu á framvegis, að mótívera leikmenn og koma þeim í rétta gírinn fyrir þessa mikilvægu leiki sem framundan eru.  Við höfum átt það til að byrja leiki hálf værukærir og menn hafa hreinlega ekki mætt nógu einbeittir til leiks. En nú verður vonandi breyting á.  Ég er mikill aðdáandi Al Pacino og frammistaða hans sem þjálfarans í myndinni Any Given Sunday  varð mér mikill innblástur. Einnig held ég mikið uppá Bette Midler en það er önnur saga   ...hvað? ...af hverju ranghvolfirðu augunum? Ert´að biðj´um einn í gagnaugað? Nei ..ég hélt ekki!

Já það er greinilegt að Böðvar er að vinna sína heimavinnu, og greinilegt að hans menn mæta undirbúnir og einbeittir í Mosfellsbæinn í kvöld.

Á meðfylgjandi myndbandi má sjá umrædda hvatningarræðu Pacino.

/>

- Ritstjórn

Draumalið valið - Afskipti Ritstjórnar ?

Ritstjórn hefur ákveðið að brjóta odd af oflæti sínu og vogar sér með þessarri færslu að stilla upp  “drauma-liðinu”  fyrir komandi átök við Dufþak. Leikskipulagið er  5-3-2 vörn og 3-5-2 sókn,  og byrjunarliðið er  þannig skipað.  

                                 Böðvar
                        Viggi – Alex - Evert 
              Arnar                               Benni
                     Binni - VIP - Arnaldur
                            Veddi - Ívar

Að gefnu tilefni er vert að brýna fyrir mönnum mikilvægi leikmannahópsins í heild. Í þessari deild er sjaldgæft að leikmenn skili fullum leik, og þeir sem hefja leik á bekknum eru ekki síður mikilvægari liðinu.  Með frjálsar skiptingar  er vægi þess að byrja inn á e.t.v. ekki eins mikið og  gengur og gerist annars staðar.

Markmiðið með þessu tiltekna skipulagi er að ná tökum á miðjunni og loka á spil þeirra mikilvægustu manna. Dufþakur þykir með vel spilandi lið með prýðilega sendingagetu, þar sem boltinn er látinn ganga í lappir. Með 5 manna vörn erum við með 2 dekkara og “sweeper” án bolta, og bakverðir aðstoða við að loka á vængmenn. Með þrjá menn á miðjunni er okkur unnt að styðja við bæði vörn og sókn auk þess sem bakverðir/vængmenn fá aukna aðstoð og möguleika í sínum leik.  Að sjálfsögðu ræðst það af gangi leiksins og frammistöðu mótherja hvort leikkerfið yfirleitt henti og allir skilji stöðu sína og tilgang í leiknum. 

Það er skoðun ritstjórnar að miðjumenn Puma hafi ekki fengið að njóta sín sem skyldi í undanförnum leikjum. Boltinn hefur æ oftar verið að koma frá varnarmönnum með löngum sendingum fram, þar sem miðjumenn hafa ýmist verið dekkaðir út úr leiknum á köflum, eða ekki verið að fá/skapa sér svæði til að athafna sig. Með ofangreindri uppstillingu gætu opnast meiri möguleikar á spili  og skemmtilegri knattspyrnu, en til þess er jú leikurinn gerður.  

Það verður þó að teljast töluverð bjartsýni að ná að stilla upp þessu liði í einn og sama leikinn, það er reynslan að alltaf vantar einhvern/einhverja. Þar af leiðandi er þetta réttnefnt  “drauma-lið”.  

- Ritstjórn.