Elliði á Ásvöllum

Það er skemmst frá því að segja að Puma féll úr bikar á mánudaginn síðastliðinn fyrir TLC. Áttu Pumur góðan leik, en má segja að Puma hafi fallið á eigin bragði, sem var að liðið var "markmannslaust" eða allt að því, með útileikmann í rammanum.

Á morgun mánudag er hins vegar komið að leik í sjöttu umferð deildarinnar. Þá mætir Puma Elliða á Ásvöllum í Hafnarfirði, en leikurinn hefst 19:30. Elliði hefur rétt eins og Puma ekki verið að spila vel það sem af er sumri. Liðið féll úr bikar í fyrstu umferð á móti Strumpum. Þá hefur liðið leikið fjóra leiki í deild, unnið einn og tapað þremur. Því er óhætt að segja að þetta sé gríðarlega mikilvægur leikur fyrir bæði lið og kemur ekkert annað en sigur til greina hjá báðum liðum, í það minnsta hjá Puma.

 - Ritstjórn

Mánudagur

Næstkomandi mánudag leikur Puma í bikar. Andstæðingar liðsins eru þessu sinni TLC, en leikið verður á heimavelli Puma, í Fagralundi Fossvogsdal. Liðin léku gegn hvor öðru í síðasta leik deildakeppninnar á síðustu leiktíð. Sá leikur endaði ekki vel fyrir Puma þar sem þrír leikmenn liðsins fengu að líta rauðaspjaldið.

Ljóst er að um hörkuleik er að ræða en rimmur þessara liða hafa verið nokkuð grimmar síðustu ár. Eins og sést á myndinni hér til hliðar eru stúlkurnar í TLC nokkuð álitlegar, en þess má geta að sú í miðjunni lést í flugslysi fyrir nokkrum árum. Þó eru það ekki þær sem Puma mætir á sunnudag. TCL knattspyrnuliðið er í fjórða sæti B-riðils þar sem liðið hefur leikið fjóra leiki, unnið þrjá og tapað einum.

Ritstjórn hvetur alla leikmenn, aðdáendur og aðra aðstandendur Puma að fjölmenna á mánudag og sýna stelpunum í TCL úr hverju Pumur eru gerðar.

Eins og áður hefur komið fram, hefst leikur Puma og TLC  stundvíslega klukkan 21:00.

 - Ristjórn

Æfing í kvöld

Framkvæmdarstjórn vill minna á æfingu í kvöld klukkan 20:00 á svæði HK í Fagralundi í Fossvogi. Allir hvattir til að mæta.

Tilkynning

Næsti leikur Puma verður mánudaginn 7. júlí á HK velli, Fagralundi Fossvogi. Leikið verður gegn TLC í bikar en þessi leikur var upprunalega settur á miðvikudaginn 2. júlí.

 - Framkvæmdarstjórn

Tímabilið á enda

Í leik Puma og Strumpa á mánudag gerðist leiðindaratvik þar sem Magnús Lárusson handarbrotnaði. Magnús er atvinnukylfingur sem hefur spilað vel undanfarin ár. Eftirfarandi er frétt eftir Sigurð Elvar Þórólfsson sem birtist á vefsíðu Morgunblaðsins mbl.is í vikunni.


„Það er ljóst að keppnistímabilið hjá mér hér á Íslandi er búið en ég veit ekki hvort ég verð klár í slaginn fyrir úrtökumótið fyrir Evrópumótaröðina í haust. Það er eiginlega allt á öðrum endanum en ég mun fá álit frá sérfræðingum á  næstu dögum hvað best er að gera,“ sagði atvinnukylfingurinn Magnús Lárusson úr Kili en hann braut bátsbeinið í úlnlið í knattspyrnuleik með utandeildarliðinu FC Puma.

„Það er alveg hægt að segja að það hafi verið röng ákvörðun hjá mér að spila leikinn. Þetta var fyrsti leikur minn með liðinu á þessu tímabili en ég hef verið að leika mér í fótbolta í gegnum tíðina,“ sagði Magnús. Atvikið átti sér stað á mánudagskvöldið, degi eftir að hann endaði í öðru sæti á þriðja móti ársins á Kaupþingsmótaröðinni á Garðavelli á Akranesi. Þar tapaði Magnús í bráðabana gegn Þórði Rafni Gissurarsyni úr GR.

„Ég verð örugglega í 6-8 vikur í gifsi og kannski þarf ég að fara í aðgerð. Ég geri alveg ráð fyrir því að vera úr leik út þetta ár. Ef allt fer á versta veg gæti það verið niðurstaðan. Ég mun ekki ekki leika fleiri leiki með FC Puma, aldrei. Ég var í sókninni og sólaði varnarmann en við flæktumst eitthvað saman og hann datt síðan á höndina á mér. Ég fann að það var eitthvað mikið að og þegar ég kom á slysamóttökuna áttaði ég mig á því að ég hafði aldrei komið þangað áður. Ég hef varla fengið gat á hausinn í gegnum tíðina og þetta er því alveg nýtt fyrir mér að meiðast. Ég hefði alveg eins getað dottið í Kringlunni og meitt mig. Slysin gera ekki boð á undan sér og það er auðvelt að vera vitur á eftir á,“ sagði Magnús.  


Ritstjórn Puma óskar Magnúsi velfarnaðar og bata.

 - Ritstjórn

Tímabilið á enda hjá Magnúsi

Leikjum frestað

Leikjum í annarri umferð bikarkeppninnar hefur verið komið niður á daga. Vegna einhverskonar vandræðna hefur hefur nokkrum leikjum verið frestað í framhaldi af þessu, eða eins og segir á heimasíðu deildarinnar:

Bikarinn dróst þannig að ómögulegt var að raða þeim niður á leikdaga án þess að fresta alls sex leikjum í riðlakeppninni. Þetta hljómar fáránlega en þetta er engu að síður raunin. Á stjórnarfundi sagði einn meðlimanna: "Þetta hefði ekki geta verið asnalegri dráttur".

Leikirnir munu að öllum líkindum verða spilaðir eftir síðustu umferðir í riðlakeppninni nema við náum að troða þeim á milli umferða, sem er frekar ólíklegt.

Þeir leikir sem frestast eru:
TLC vs. Fc Dragon (í 6. umferð)
Fc Ice vs. Vatnaliljur (í 6. umferð)
Hómer vs. Áreitni (í 5. umferð)
Puma vs. Kumho (í 5. umferð)
RWS vs. Kærastan hans A. (í 6. umferð)
Vatnsberar vs. Strumpar (í 5. umferð)

UPDATE:
Þar að leiðandi kemur Puma til með að spila sinn næsta leik miðvikudaginn 7. júlí klukkan 21:00. Þá verður spilað í bikar og er mótherjinn enginn annar en TLC. Leikið verður á heimavelli Puma. Því næst tekur Puma á móti Elliða í deildinni þann 14. júlí.

 - Ritstjórn

Annel fékk ekki tækifærið

Í viku liðinni lék 3. deildarlið KB við  úrvalsdeilarlið KR í Bikarkeppni KSÍ.  Knattspyrnufélag Breiðholts (KB)  sem að miklu leiti er B-lið  1. deildarliðs Leiknis úr sama hverfi, stóðu sig framar öllum vonum þó tap sé aldrei æskileg úrslit í knattspyrnuleik.   Stórveldið KR var nánast fullskipað sínum sterkustu mönnum, en tókst þó einungis að innbyrða sigur með minnsta mögulega mun, eða 1-0.  Það var markamaskínan Björgólfur Takefusa sem skoraði markið snemma í seinni hálfleik.

En hvað kemur okkur það við?  Jú.  Fyrrum liðsmaður Púmunnar  Annel Helgi Finnbogason sem hlaut útnefninguna „efnilegasti leikmaður/bjartasta von“  Puma 2007, var í leikmannahópi  Breiðholtsliðsins. En því miður fyrir okkar mann  sá þjálfarinn sér ekki fært að leyfa Annel að upplifa drauminn. KB gerðu hinsvegar 3 skiptingar en Annel var ekki á meðal þeirra.

KB hafði á leið sinni í Frostaskjólið lagt  Véstein og félaga í KFR 2-4, og unnin frækin sigur á 1. deildarlið Njarðvíkur á útivelli 0-2.  Hinsvegar kom Hvorki Annel né Vésteinn við sögu í þessum leikjum.  KB hefur samt sem áður gengið brösulega í deildarkeppninni og eru í 4. Sæti í C-riðli, hafa unnið einn leik, gert eitt jafntefli og tapað þremur leikjum. 

Annel virðist þó vera að fá náð fyrir augum þjálfarans því kappinn var í byrjunarliði KB í síðasta leik gegn Skallagrími í Borgarnesi á mánudagskvöld.  En þrátt fyrir fullar 90 mínútur og prýðilega frammistöðu okkar manns, sigruðu heimamenn með þremur mörkum gegn engu.  Við óskum Annel góðs gengis í sumar og munum fylgjast með framgöngu hans 3. deildinni. 

Á meðfylgjandi mynd sem fengin er af fotbolti.net má sjá Annel (fyrir miðju) ganga af velli í Frostaskjólinu síðastliðið fimmtudagskvöld.  

- Ritstjórn

Strumpar - Puma

Puma atti kappi við Strumpa í Fagralundi í gær.  Skemmst frá því að segja þá tapaðist leikurinn. Alexander Arnarson skoraði glæsilegt mark Puma frá miðju og jafnaði leikinn á 41. mínútu. En oft segir mynd meira en mörg orð.

Þess ber þó að geta að tveir leikmenn léku sinn fyrsta leik í Puma treyjunni þetta átakanlega kvöld. Við óskum þeim Magnúsi Lárussyni og Ólafi Sævarssyni til hamingju með þennan áfanga, en vonum svo sannarlega að þeir gleymi honum líka sem allra fyrst. Magnús fór út af meiddur í síðari hálfleik eftir að hafa verið harkalega tekinn niður í vítateig andstæðinganna, en eins og með flest annað sem fór úrskeiðis á lokakafla leiksins, þá sá dómarinn sér ekki fært að dæma víti.  Vonum að Magnús gangi heill til skógar frá þessu.

Maður leiksins:  Árni Þór Eyþórsson fyrir óbilandi stuðning.   

Sjá má fáeinar myndir frá Fagralundi í gær í tilheyrandi möppu á vinstri hlið síðunnar.

- Ritstjórn

Fernan komin á ferðina

Vésteinn Gauti Hauksson fyrrum framherji Puma er byrjaður að láta að sér kveða í  3. deild íslandsmótsins í knattspyrnu.  Fernan hefur þó ekki verið iðinn við markaskorun eins og við þekkjum hann. Kempan hefur verið  að verma bekkinn hjá KFR undanfarna 3 leiki , hefur komið inná í þeim öllum og er mínútunum alltaf að fjölga.  Þrátt fyrir það hafa Vésteinn og félagar ekki náð í eitt einasta stig í þeim 5 leikjum sem búnir eru. Félagið situr því eðlilega á botninum í A-riðli með núll stig og markatöluna 3-14.  

Batnandi mönnum er víst best að lifa, og erum við þess handvissir að Fernan sættir sig engan veginn við árangur sinna manna það sem af er móti.  Við bendum Vésteini vinsamlega á það að félagskiptaglugginn fer að opna og er hann ávallt velkominn „heim“  í Fagralundinn.  Í það minnsta ábyrgjumst við að bensín kostnaður kappans mun lækka gríðarlega, sem og sjálfstraustið aukast til muna.  Áhorfandi á leik Strumpa og Púmunnar í gærkvöldi lét þessi eftirminnilegu orð falla um fjarveru Fernunnar:
„Puma án Vedda er svona svipað og hafa samfarir með smokk, það eru c.a. 1% líkur að þið skorið, en þið fáið allavega ekki sýfilis eða 18 ára víxil á meðan“   
 
Ekki treystir undirrituð sér til að túlka þessi orð nánar, geri það bara hver fyrir sig.  Á meðfylgjandi mynd má sjá KFS úr eyjum fagna sigri, en þeir höfðu betur gegn Vésteini og félögum í gærkvöldi; 1-3.

-          Ritstjórn

Kópavogur gefur skít í Reykjavík

Ritstjórn rakst á mjög skemmtilega frétt á Visi.is í dag. Þar segir frá því að Kópavogsbær dælir skólpi einu sinni í viku út í Skerjafjörð og er Óttar Hrafnkelsson forstöðumaður Ylstrandarinnar allt annað en sáttur við framtak Kópavogsbæjar. Eins og hann segir á Vísi frekar ósáttur "Það getur vel verið að það sé gott að búa í Kópavogi en það er ekki gott að vera nágranni þeirra!"

Hér er hægt að nálgast fréttina í heild sinni.

Ritstjórn segir, vel unnið hjá Kópavogsbæ!

 - Ritstjórn