Barátta um Gullskóinn

Hinn síungi Ívar Guðmundsson sem hefur verið markakóngur Puma síðustu 11 ár ætlar sér ekki að gefa eftir titilinn auðveldlega. Ívar sagði þó íþróttamannslega hér á síðunni, “Ég vona svo sannarlega að Veddi nái því að vera markakóngur þetta árið”. 

Ritstjórn heldur þó því fram að Ívar komi til með að gefa lítið eftir og fari að raða inn mörkum í komandi leikjum. Ívar hefur skorað eitt mark á leiktíðinni og gefið tvær stoðsendingar.

Dagskrá vikunnar styrkir Puma

Dagskrá vikunnar kom í vikunni færandi hendi er hún afhenti stjórn félagsins rausnarlega gjöf. Gjöfin var í formi 5 Select bolta sem komu sér vel á æfingu á mánudag sem og í upphitun fyrir leik á þriðjudag. 

Stjórn Puma þakkar Dagskrá vikunnar kærlega fyrir.

 

 

 

Vésteinn stefnir á Gullskóinn

Í samtali við ritstjórnarfulltrúa siðunar sagði Veddi að hann væri staðráðinn í því að taka Gullskóinn í ár. Tímabilið fer vel af stað hjá kauða en hann skoraði ein 4 mörk í fyrsta leik tímabilsins eins og fram hefur komið hér á síðunni. Veddi hefur síðan þá gengið undir nafninu Fernan. Veddi bætti við marki í leiknum í gær, en það var þrumufleygur upp í þaknetið utan af velli.

"Já, það er gaman að þessu. Maður stefnir hátt í ár og er ég staðráðinn í því að við förum alla leið í ár. Til þess að það takist þá ætla ég að gefa mig allan í þetta og ná í Gullskóinn", sagði Veddi ánægður með sjálfan sig.

Veddi sagði jafnframt, "Þetta fer vel af stað hjá Puma, mæting á æfingar hefur verið mjög góð sem og í leikina sem búnir eru. Ef þetta heldur áfram svona þá held ég að við ættum að geta farið alla leið."

"Þó verð ég að segja að ég er óánægður með leik Puma í gær. Auk þess var völlurinn afar lélegur og dómgæslan var til háborinnar skammar. Ég er sannfærður um að við hefðum unnið þennan leik hefði hann verið leikinn á gervigrasi" sagði Veddi að lokum.

Við hjá Puma.blog.is vonum svo sannarlega að þetta verði rétt hjá Vedda og Puma komi aftur með dolluna heim.

4-4 jafntefli

Það var myndarhópur sem mætti á Tungubakka í 2. umferð a-riðils. Tvær breytingar voru gerðar frá því í síðasta leik en í stað Arnars kom Evert í vinnstri bakvörð og í stað Alexanders kom Annel.

Byrjunarlið var eftirfarandi:

Mark - Böddi

Vörn - Annel, Hreiðar, Viggi, Evert

Miðja - Varði, Benni, Árni, Sókn - Veddi, Ívar G.

Á bekknum voru: Viddi, Alli, Krissi, Binni, Arnaldur, Ívar S, Þórhallur, Gústi, Hilmar, Halli

Leikurinn fór vel af stað og sóttu Puma menn nánast stanslaust fyrstu 20 mínútur leiksins.  Það voru þó Pungarnir sem settu fyrsta mark leiksins. Kom það á 22 mínútu með skoti úr teig. Það var síðan 10 mínútum seinna sem Arnaldur skoraði og 6 mínútum seinna skoraði Veddi glæsilegt mark í þaknetið. Á 40 og lokamínútu leiksins var það svo, rétt eins og í síðasta leik, að mótherjar Puma skoruðu og jöfnuðu metin.

Leikurinn fór ágætlega af stað í seinni hálfleik. Ívar G skoraði á 43 mínútu. Í framhaldi af gerðist lítið hjá Puma en Pungarnir skoruðu 2 mörk með 3 mínútna millibili á 60 og 62 mínútu. Árni jafnaði þó strax í framhaldi af því úr víti, eða á 63 mínútu. Puma átti svo nokkur færi, en mark var dæmt af Ívari Sigurjóns. 4-4 jafntefli var staðreynd og leikmenn Puma óánægðir með frammistöði sína.

Leikurinn einkenndist af einstaklega lélegri dómgæslu á mjög svo lélegum velli á Tungubökkum. Ekki bætti það að dagsform leikmanna Puma var ekki gott. 

Eftir tvær umferðir er Puma í 3 sæti riðilsins, en þó eiga TLC leik til góða og möguleika á því að fara upp fyrir liðið.

Maður leiksins: ?

Mörk: Arnaldur, Veddi, Ívar G., Árni (víti)

Stoðsendingar: Veddi 1 og Benni 1

Spjöld: Annel, Alli

Hópurinn í kvöld

Eftirfarandi leikmenn skipa leikmannahóp Puma í kvöld:

Alexander Arnarson

Annel Helgi Finnbogason

Arnaldur Geir Schram

Ágúst Ingi Axelsson

Árni Þór Eyþórsson

Benedikt Nikulás Anes Ketilsson

Brynjólfur Páll Schram

Böðvar Jónsson

Evert Víglundsson

Hallgrímur Guðmundsson

Hilmar Þór Ólafsson

Hreiðar Þór Jónsson

Ívar Guðmundsson

Kristján Ragnar Kristjánsson

Már Þórarinsson

Vésteinn Gauti Hauksson

Viðar Ingi Pétursson

Vigfús Jóhann Þórsson

Þorvarður Björgúlfsson

Þórhallur Halldórsson

Það er óhætt að segja að leikmannahópurinn er sterkur í kvöld. Byrjunarliðið verður þó ekki kynnt fyrr en rétt fyrir leik.

- Stjórnin

Leikur í kvöld

Leikur í kvöld á Tungubökkum. Mæting 19:45, en leikurinn byrjar stundvíslega kl. 20:30. Við spilum á móti Pungmennafélaginu.

Góð mæting var á æfingu í gær. 20 Manns mættu og var spilað 10 á 10. Vonandi er þetta það sem koma skal í sumar en mæting á æfingar síðustu vikur hefur verið með þessu móti.

 

32-liða úrslit í bikar – dráttur:

Búið er að draga í 1. umferð bikarkeppni utandeildarinnar. Puma dróst á móti Metró. Metró vann sinn leik í fyrstu umferð deildarinnar 7-1 á móti Vatnsberum. Ekki er komin dagsetning á leikinn, en leikirnir í bikarnum að þessu sinni verða leiknir dagana 10. til 17. júlí.

Hér er heildar DRÁTTURINN:

Fc Keppnis vs. Fc Ice
Hómer vs. Nings
Elliði vs. Rc Collins
Ernirnir vs. Vængir Júpíters
St Styrmir vs. Dufþakur
BYGG vs. Pungmennafélagið Gullan
Vatnsberar vs. Áreitni
Kumho vs. Geirfuglar
Kóngar vs. Vatnaliljur
Puma vs. Metró
Hjörleifur vs. Henson
Fc Fame vs. Kærastan hans Ara
Dinamo Gym80 vs. Fc Dragon
Fc Moppa vs. Fc CCCP
Boutros Ghali vs. G&T
Strumpar vs. TLC

Leikjaplan 2007 - 1. hluti

Hluti af leikjaplani sumarsins er komið, eða fyrstu 6. leikirnir.

Riðill	Dagsetning	Kl:	Umf.	Heimalið	Útilið	Leikstaður
A	10.6.2007	18:00	1	Puma	Geirfuglar	Fram
A	19.6.2007	20:30	2	Pungmennafélagið Gullan	Puma	Tungubakkar
A	24.6.2007	19:30	3	Puma	Dinamo Gym80	Ásvellir
A	5.7.2007	20:30	4	Vatnaliljur	Puma	Tungubakkar
A	22.7.2007	19:30	5	Puma	Elliði	Ásvellir
A	29.7.2007	19:30	6	Vængir Júpíters	Puma	Fram

Krúsjal atriði

Æfing(ar) Puma:

Staður:

"Fagri"lundur - HK svæði í Fossvogi, Kópavogsmegin.

Tími:

Mánudaga kl. 21:30

 

 

 

Puma komið á vefinn

Heimasíða Knattspyrnufélagsins Puma verður formlega opnuð með popni og prakt á þjóðhátíðardaginn 17. júní í Laugardalnum í Reykjavík. Viðstaddir verða Geir Haarde, Geir Þorsteinsson, Geir Magnússon, Geir-i Sæm auk fulltrúa stjórnar Puma sem og ritstjórnarfulltrúa.

Á síðunni koma til með að vera upplýsingar og yndisauki bæði fyrir leikmenn, aðstandendur og stuðningsmenn liðsins.  Heimasíðunni er einnig ætlað að verða stuðningskerfi fyrir komandi leiktíðir hvað varðar samskipti leikmanna, tölfræði og "meldingar" í leiki, æfingar og uppákomur.

Það er hugmynd stjórnar að þetta verði liður í því að upphefja félagið í hæstu hæðir á nýjan leik.  Saga félagsins hefur verið afar sigursæl, og er ætlunin að setja markið hátt og vera í baráttunni um titlana í ár.

1. umferð - Puma vs. Geirfuglar

Leikurinn fór fram í Safamýri á sunnudagskvöldið 10. júní kl. 18:00 í blíðskaparveðri.  Það var greinilegt á mætingunni að menn voru fullir eftirvæntingar að hefja leiktíðina með glæsibrag.  Hópurinn skipaði alls 21 leikmann, þar sem meðaldurinn mældist 33,7ár, þar sem yngsti maður var 21 og sá elsti 45 ára,  takk fyrir og túkall. 

Nýir búningar voru vígðir að þessu tilefni sem vöktu gríðarlega ánægju meðal hópsins. Búningurinn að þessu sinni er hvít treyja, bláar buxur og hvít/bláir sokkar.  Stuðningsmenn okkar og auglýsendur eru þeir sömu og undanfarin ár, þó Bílanaust hafi skipt um áherslur og auglýsa nú undir nýju nafni, N1.  Það er svo sjónvarpsstöðin SÝN, mekka knattspyrnunnar á öldum ljósvakans sem prýðir framhlið búningsins.

Byrjunarliðir skipuðu eftirtaldir aðilar:

Mark - Böðvar

Vörn - Arnar, Alexander, Viggi, Hreiðar

Miðja - Viðar, Árni, Benni, Varði

Sókn - Vésteinn, Ívar G

Á tréverkinu: Már, Emil, Ívar Jóns, Þórhallur, Annel, Evert, Hallgrímur, Daði, Ágúst, Hilmar.

Leikurinn fór vel af stað og leikur Puma einkenndist af góðu spili. Þó komu upp leiðindi á 14 mínútu leiksins þegar Benni þurfti að berja frá sér, og næla sér í gult spjald, þar sem Geirfuglar slógu frá sér í átt Puma eins og dýr í útrýmingarhætti. Puma uppskar hins vegar á 25 mínútu þegar Vésteinn skoraði fyrsta mark leiksins. Hann bætti svo öðru við á 33 mínútu úr víti eftir að brotið hafði verið á honum. Ágúst Ingi fékk áminningu þremur mínútum síðar fyrir að brjóta á leikmanni Geirfugla. Geirfuglar minnkuðu muninn á 40 mínútu og var staðan 2-1 í hálfleik.

Seinni hálfleikur fór ekki eins vel af stað og sá fyrri. Geirfuglar jöfnuðu metin og var staðan 2-2 þangað til á 72 mínútu þegar enginn annar en Vésteinn skoraði sitt þriðja mark í leiknum og kom Puma yfir á nýjan leik. Geirfuglar sóttu stíft, en Puma sýndi góðan karakter og bætti við marki á 77 mínútu leiksins. Hver annar en Vésteinn! Jú, fjögur mörk voru staðreynd og tryggði hann Puma glæsilegan sigur. Á 79 mínútu fékk Annel svo að líta gula spjaldið.

Sigur var staðreynd og vonandi er þetta það sem koma skal í sumar. Það sýndi sig og sannaði hvuzzu mikilvægt var að hafa stóran hóp í þessum leik og megi það vera sem oftast.

Maður leiksins: Vésteinn Gauti Hauksson

Mörk: Vésteinn 4

Stoðsendingar: Viggi 1 og Ívar G 2.

Spjöld: Benni, Gústi, Annel