Strumpar

Strumparnir, sem áður voru kallaðir skríplarnir, eru bláar og hvítar skáldsagnarverur sem búa í skógi einhversstaðar í Evrópu. Upprunalega voru Strumparnir teiknaðir af belgíska teiknaranum Peyo, en það var bandaríski framleiðandinn Hanna-Barbera sem gerði seinni mjög svo vinsæla sjónvarpsþætti, sem Laddi talsetti svo á íslensku.

Í ár eru fimmtíu ár frá því að þessar litlu bláu og hvítu persónur litu dagsins ljós, en á þessum fimmtíu árum hafa þær glatt börn um allan heim. Helsti óvinur Strumpana þessi 50 ár hefur verið galdrakallinn Kjartan og illgjarni kötturinn hans, en þeir kumpánar hafa verið á höttunum eftir Strumpunum allt frá upphafi.

Í raunveruleikanum eru hins vegar óvinirnir Strumpa aðrir en Kjartan og kötturinn. Strumparnir leika í dag í Utandeildinni í knattspyrnu og ljóst er að lið sem leika í A-riðli þessarar ágætu deildar hafa ekki hug á því að vingast við þessa kauða.

Strumpar hafa leikið þrjá leiki sem af er sumri, tvo í deild og einn í bikar. Strumpar byrjuðu á því að tapa á móti Kumho, 0-4. Næsti leikur var við Elliða í bikar. Þann leik sigruðu litlu bláhvítu verurnar 3-0. Aftur mættust svo Strumpar og Elliði í deild nú á sunnudag, en þar fóru Strumpar með sigur, 4-2.

Puma leikur við Strumpa mánudaginn næstkomandi, þann 23. júní. Leikurinn hefst klukkan 21:00 og fer fram á heimavelli Puma, í Fagralundi Fossvogsdal.

 - Ritstjórn

Athugasemdir

[VIP (IP-tala skráð) 18.6.2008 kl. 09:41]

Maður hefði nú haldið að Strumpar væru í bláum treyjum og hvítum buxum ..en neeei þá þurfa þeir að vera í alveg eins búningum og við !?!?

Það er vert að bæta því við hér að við Strumparnir slógu okkur út úr bikarnum hérna um árið (2006?) með þrumufleyg á síðustu mínútu. (áái það er meiraðsegja  sárt að ryfja þetta upp)  Leikurinn var reyndar á leikinn við ömurlegar aðstæður á afleitum hluta Tungubakka, en engin afsökun !  nú skal safna liði og hebbbnna !  gadddemitt

[Bnak (IP-tala skráð) 18.6.2008 kl. 17:15]

Undirritaður biðst afsökunar á slæmu formi í síðasta leik og fór strax daginn eftir og skráði sig í sex vikna námskeið hjá BOOTCAMP til að bæta úr ósköpunum. sjáumst ALLIR á fimmtudagkskveld kl. 21:00

kv.BNAK

[Naglinn (IP-tala skráð) 19.6.2008 kl. 00:26]

Gott að menn sjái sóma sinn í að taka til í kjallaranum hjá sér og spurning hvort ívar og evert taki ekki liðið í smá fjöruhlaup ?  Annars er mikilvægt að fjölmenna á mánudag og negla þessa strumpa duglega !!! 

Go girls

Naglinn út