Sorgarsunnudagur

Það var hugur í Pumum þegar þær mættu sprækar til leiks í gærkvöldi í Elliðárdalnum. Leikur dagsins var Puma gegn Geirfuglum og voru bæði lið staðráðin í því að ná hagstæðum úrslitum.

Leikurinn fór líflega af stað og strax á 5 mínútu áttu Geirfuglar gott færi þar sem einn af sóknarmönnum liðsins mætti Böðvari Jónssyni markverði Puma einn á einn en Böðvar náði að verja vel. Það voru hins vegar leikmenn Puma sem opnuðu markareikning leiksins með því að skora fyrsta markið. Þar var á ferðinni Þorvarður Björgúlfsson sem fylgdi vel á eftir skoti sem Guðlaugur Rafnsson hafði átt í stöngina eftir glæsilegan einleik, 1-0. Bæði lið sóttu stíft í framhaldi af þessu marki en það voru Geirfuglar sem áttu næsta mark. Þrumuskot á nærstöng þar sem markvörður kom ekki vörnum við, 1-1. Við þetta kom fítonskraftur í lið Puma, sem þó missti helsta sóknarmann, Ívar Guðmundsson, sinn af velli þegar hann missteig sig illa. Liðið átti réttilega að fá dæmda vítaspyrnu þegar Guðlaugur var hreinsaður niður í vítateig Geirfugla en á óútskýranlegan hátt dæmdi einkennilegur dómari leiksins ekki neitt, sem kom leikmönnum Puma, Geirfulga og áhorfendum mjög á óvart. Guðlaugur kom Puma yfir þegar stutt var eftir af fyrrihálfleik eftir mikla baráttu í markteig Geirfulga, 2-1.

Seinnihálfleikur fór ekki vel af stað fyrir leikmenn Puma. Geirfuglar sóttu grimmt og áttu nokkur mjög góð færi. Í framhaldi fór vængmaður/framherji Puma slasaður af velli, en komið er í ljós að drengurinn er fótbrotinn. Nú voru leikmenn Puma aðeins 11, þar sem tveir leikmenn voru farnir slasaðir af velli. Við þetta róaðist mikið á leik Puma og Geirfuglar sóttu í sig veðrið. Þegar um 15 mínútur voru liðnar af hálfleiknum fengu Geirfuglar dæmda vítaspyrnu. Steig leikmaður #10 hjá Geirfuglum á punktinn og tók skotið. Böðvar markmaður Puma gerði sér lítið fyrir og varði glæsilega, það vel að hann greip knöttinn í hægra horninu, staðan en 2-1. Geirfuglar héldu hins vegar áfram sinni pressu á vænglausu liði Puma. Geirfuglar jöfnuðu þegar um 20 mínútur voru liðnar af hálfleiknum, staðan 2-2. Pumur héldu sínu áfram, þreyttir og skipulagslausir. Geirfuglar nýttu sér bágt ástand liðsins og þegar um 10 mínútur voru eftir af leiknum náðu þeir að komast yfir, eftir mikla pressu, 3-2. Urðu þetta lokatölur leiksins.

Það sem einkenndi þennan leik var gríðarlega einkennileg dómgæsla, þar sem meðal annars leikmaður #9 hjá Geirfuglum hefði með réttu átt að fara út af með tvö gul spjöld, en dómari leiksins hafði ekki skráð niður hjá sér samviskusamlega hverjir voru komnir með spjöld og því hékk sá maður inná.

Maður leiksins að mati ritstjórnar, Böðvar Jónsson markvörður Puma sem oft varði glæsilega, meðal annars vítaspyrnu eins og áður hefur komið fram.

Byrjunarlið:

           Ívar   Guðlaugur
Árni    Benni    Arnar    Varði
Maggi   Viggi    Alex     Hreiðar
                 Böðvar

Bekkur:
Viðar, Gunnar

Athugasemdir

[VIP (IP-tala skráð) 16.6.2008 kl. 12:57]

Án þess að taka neitt frá góðum leik Böðvars, þá finnst mér Laugi mega deila þessu með honum. Fékk úr litlu að moða, en setti eitt, lagði upp annað og hefði með réttu átt að fá víti eftir að hafa klobbað varnarmann Geirfugla.

[Fowler (IP-tala skráð) 16.6.2008 kl. 14:13]

Sælir strákar, þakka fyrir leikinn í gær.

 Leiðinlegt að heyra að leikmaðurinn hafi brotnað, óskum honum hins vegar góðs bata.

 En það er greinilega ekki bara dómarinn sem að er að skrifa eitthvað illa hjá sér því það var leikmaður nr 10 sem klikkaði á vítinu... ekki 11 ;)

[Ritstjórn Puma , 16.6.2008 kl. 15:27]

Ritstjórn þakkar Fowler fyrir góða athugasemd.
Leiðrétting verður gerð á færslu.

[Sæþór (IP-tala skráð) 16.6.2008 kl. 15:34]

Þetta verður galopinn og skemmtilegur riðill.  Elliði steinlá fyrir strumpum.

[Ari Haukur (IP-tala skráð) 16.6.2008 kl. 20:00]

Sælir strákar

Fyrst vill ég þakka ykkur fyrir frábæran leik.eins og sumir vita þá er eg leikmadur numer 9 og vill bara taka þad fram að eg var ekki komin með spjald þegar eg braut svo heimskulega á leikmanninum i endanum á leiknum en ég tek það fram að þeð brot var tvímælalaust RAUTT spjald sem eg átti ad fá. Ég vildi bara nota tækifærið og byðjast afsökunar á þessu brotti

Ég óska ykkur alls hins besta i sumar og vona að leikmaðurinn sem fótbrotnaði jafni sig fljót

kv.Ari

[Arnar (IP-tala skráð) 17.6.2008 kl. 00:28]

Fallegt af Gerifuglum að koma hér og biðjast afsökunar.

[Góður Penni (IP-tala skráð) 17.6.2008 kl. 13:07]

Klárlega !