Sigur í bikar

Puma lék í Bikarkeppni Utandeildarinnar í gærkvöldi. Þrettán leikmenn voru mættir gegn nýju liði KWS. Leikurinn fór vel af stað en mörkin stóðu á sér til að byrja með. Staðan í hálfleik var þó 3-0.

Í seinni hálfleik áttu KWS menn nokkur færi og komu boltanum einu sinni í net Puma manna. Puma skoraði þó tvö til viðbótar og endaði leikurinn 5-1.

Markaskorarar Puma voru Már (2), Elvar, Heiðar og Alexander. Eru þá Ívar og Már markahæstir Puma eftir fyrstu tvo leikina með sitthvor tvö mörkin. Gaman er að segja frá því að Elvar Guðmundsson skoraði í sínum fyrsta leik, en hann lék sem bakvörður allan leikinn og Heiðar Ingi Gunnarsson skoraði einnig sitt fyrsta mark fyrir félagið í sínum öðrum leik.

Maður leiksins, Már Þorsteinsson. Ástæðan er einföld. Drengurinn skoraði tvö falleg mörk og gerði einnig hluti sem hafa ekki sést frá kappanum áður, hann gaf boltann á samherja sína oftar en áður hefur sést.

Byrjunarliðið var skipað eftirfarandi leikmönnum:

          Ívar       Viðar
Árni    Benni    Arnar    Már
Maggi    Alex    Viggi    Elvar
                 Böddi

Bekkur:
Heiðar, Þórhallur.

Athugasemdir

[Arnar (IP-tala skráð) 27.5.2008 kl. 00:02]

Liðið lék ágætlega í þessum leik. Már skoraði vissulega tvö mörk og var frískur og gaf hann og allt...en mér fannst Elvar leika af kostgæfni í þessum leik og stimplaði sig duglega inn í hægri bakvörðinn...Viggi er alltaf traustur og BNAK átti ágæta spretti í seinni hálfleik og ekki má gleyma markverðinum Böðvari sem hafði lítið að gera en varði oft ágætlega.