Viðar endanlega hættur!

Ritstjórn Puma fékk í morgun gögn sem sýna það að Viðar Ingi Pétursson miðvallarleikmaður Puma hefur sagt skilið við liðið, eða sé á leið frá liðinu. Hér til hliðar sjáum við samskipti Viðars og ónefnds aðila úr stjórn félagsins. Þar sjást greinilega hótanir Viðars og greinilegt að honum sé alvara með þessum skrifum enda CAPS LOCK á sem áherslulagning á orðin.

Sá orðrómur hefur áður komið upp að Viðar sé á leið frá félaginu. Eftirfarandi línur birtust einmitt hér þann 1. ágúst á síðasta ári, en þá átti Viðar einmitt í útistöðum við fálagið og framkvæmdastjórann:

---------------------

Ritstjórn Puma.blog.is að framkvæmdarstjórn hafi í samráði við stjórnarformann og eigendur Puma ákveðið að segja upp samningi við Viðar Inga Pétursson leikmanns númer 21. Viðar sem er á sínu 3 ári með Puma hefur lítið spilað með  liði Puma í vetur og fundið sig illa í þeim leikjum sem hann hefur verið með.

Fyrr í sumar byrjuðu strax vandamál milli Viðars og framkvæmdarstjóra liðsins, Böðvars Jónssonar. Viðar lét orð falla í fjölmiðlum sem framkvæmdarstjórn liðsins þótti ekki sæma. Sættir náðust eftir stífa fundi og málið þótti leyst. Puma sem fór vel af stað í deild og bikar, mátti játa sig sigraða eftir leik við Elliða seinni part júlímánaðar. Á sunnudag í leik Puma á móti Vængjum Júpítersrauk svo Viðar heim til sín eftir að hafa verið tekin af velli í undir lok leiksins. Í framhaldi af því birti Viðar yfirlýsingu hér á vefnum, en hana birtum við hér:

"Undirritaður er gengin til liðs við sitt gamla félag Hunangstunglið. 
Þeir eru að vísu ekki með í ár en ... en ...en BARA! Kem til með að æfa grimmt með HK-heldri engu að síður. Megið sossum hringja í mig ef mannekla ..þannig. Kveðja, Viðar I. Pétursson # 21"

---------------------

Ritstjórn kemur til með að leyfa þyrstum lesendum að fylgjast með málinu, en allt lítur út fyrir að Víðar sé "loksins" á leið frá félaginu.

 - Ritstjórn

Athugasemdir

[VIP (IP-tala skráð) 11.3.2008 kl. 11:41]

Ég staðfesti þetta. Er hættur í þessu félagi. Þakka liðnar stundir.  Gangi ykkur vel.

[Ritstjórn Puma , 11.3.2008 kl. 11:53]

Það þarf greinilega ekki að bæta við þessa frétt. Viðar I. Pétursson er hættur. Puma óskar Viðari alls hins besta í framtíðinni og þakkar góð störf.

- Stjórnin

[VIP (IP-tala skráð) 11.3.2008 kl. 12:06]

..það er alveg ljóst að ég stend ekki í því að baka brauð fram á vor svo aðrir geti svo bara sest við borðið 1 mínútu fyrir mat og hámað í sig, meðan maður er settur út í horn að bíða eftir mylsnum. 
Puma er fyrir félagsmenn, félagsmenn eru iðkendur, iðkendur eru þeir sem æfa, þeir sem æfa eru leikmenn. 

[VIP (IP-tala skráð) 11.3.2008 kl. 15:18]

Dregið tilbaka. Hljóp á mig. Get ekki hætt. Biðst velvirðingar.  Þetta kennir manni að  taka aldrei Jagermeister með sér í vinnununa.  

[Fernan (IP-tala skráð) 11.3.2008 kl. 22:18]

Viðar mun aldrei hætta.  Ég talaði við Júlla í Hungangstunglinu og hann sagði að það hefði verið lagt niður til að losna við Vidda.  Ég veit nú ekki afhverju það var en tvennum sögum fer af því. Annars vegar vegna þess að hann tolldi illa á bekknum, var kallandi menn útaf í tíma og ótíma setjandi sjálfan sig inná völlin ( mönnum þótti það víst rosalega óforskammað af honum) og svo vegna þess að Viddi var gripinn við að stela nærbuxum liðsfélaganna.  Og svo mætti hann stundum í tíndum nærbuxum í næsta leik eins og ekkert væri.

 Ég hef passað mig á að hlusta ekkert á hann þegar hann vill skipta sér inná og er hættur að ganga í nærbuxum.  Þess vegna kannski finnst mér Viðar frábær og gott að hafa hann í liðini.  Ég vill alls ekki að hann fari.

 Áfram Viðar

[VIP (IP-tala skráð) 13.3.2008 kl. 12:58]

þú ert sjentilmenni Ferna, segji ég og skrifa.   Tunglið var náttla dáið dæmi eftir að Víæpí yfirgaf þær herbúðir.