"Fernan er bara fantur !"

Svo virðist sem Vésteinn G. Hauksson framherji Puma, betur þekktur sem fernan,  hafi gerst sekur um fólskulegt ásetningsbrot á æfingu í Kórnum í gærkvöldi.   Fernunni hefur jú oft áður orðið heitt í hamsi, og ber vel að merkja fyrsta leik hans í Puma búningi þegar umræddum var vikið af velli eftir rétt rúmar 5 mínútur fyrir ofbeldisfulla hegðun  (e. violent conduct).

Að þessu sinni var það samherji Vésteins, Benedikt Nikulás Anes Ketilsson  sem varð fyrir barðinu á hamslausri heift hans í leik.    „Ég var búinn að hirða af honum boltann nokkrum sinnum og klobbann einu sinni. Það hefur greinilega farið eitthvað fínt í hann og hann brugðist við með þessum hætti. Hann keyrði mig niður á miðjum vellinum, hreinlega sópar undan mér löppunum og skokkar svo bara í burtu. Ég spurði hann hvað honum gengi til, en þar var ekki afsökunarbeiðni fyrir að fara. Fernan er bara fantur!  Það er orðið helvíti hart ef maður á það á hættu að enda ferilinn á æfingu eftir svona óþarfa fautaskap.“  Sagði BNAK sár og vonsvikinn seint í gærkvöldi.

Þess má geta að þetta var fyrsta formlega æfing Fernunnar á undirbúningstímabilinu, og má ætla af þessu að hann komi vægast sagt grimmur til leiks.   Það eina sem Vésteinn vildi um málið segja þegar ritstjórn náði tali af honum seinnipartinn var, "Það sem gerist á vellinum, endar í sturtunni". 

Benedikt vildi þó við þetta bæta að hann ætti ekki eftir að erfa þetta við Véstein, heldur þætti vænt um að framherjinn hárprúði mundi hugsa sinn gang og beisla þessa reiði í eitthvað uppbyggilegra en að strauja niður samherja sína.   „þessi hegðun hæfir ekki  Leikmanni ársins. Hann verður að axla þá ábyrgð sem titlinum fylgir. Nú er að fjölga ungum leikmönnum í klúbbnum og hann sem og við allir verðum að vera þeim fyrirmynd. Þetta á ekki að sjást  á æfingum.“

Framkvæmdastjórn hefur ákveðið að aðhafast ekki frekar í málinu: „Við leysum þetta eins og fullorðnir menn. Nú menn eru heitir á æfingum og þá vill stundum sjóða uppúr , þannig er það bara. Að sjálfsögðu fordæmum við svona lagað og er ég með engu móti að réttlæta hegðun Vésteins, þvert á móti.  Ég mun setjast niður með Fernunni og fara yfir þetta, hann má klárlega búast við því.“  Sagði Böðvar Jónsson í samtali við ritstjóra nú rétt eftir hádegið.

-Ritstjórn

Athugasemdir

[Fernan (IP-tala skráð) 30.1.2008 kl. 20:23]

Góða kvöldið

 Í ljósi atburða gærdagsins hafði framkvæmdastjórinn ekkert samband við mig í dag.  Yfirleitt hringir hann 4-5 sinnum yfir daginn og grátbiður mig um að koma í kvöldmat, að spila rommý eða bara í raun hvað sem er.  Þegar svo ber undir að engin símtöl koma frá kauða þá veit ég að eitthvað er að.  Mín skilaboð eru auðvitað þessi:

Mér þykir afar vænt um BNAK og myndi aldrei viljandi skaða hann á nokkurn hátt.  Hinsvegar var kominn hiti í kroppinn í gærkveldi og þessi tækling var ekki alveg úthugsuð.  Ég bið vin min BNAK innilega afsökunar á þessu og vona að hann muni ekki erfa þetta atvik við mig.

´Bestu kveðjur

[bnak (IP-tala skráð) 31.1.2008 kl. 20:53]

Mun erfa þetta við óvin minn Fernuna:) uns hann kyssir á meiðslin sem ég hlaut við þessa byltu, sem ná frá stóru tá og upp að nára, það væri vel þegið að hittast í sturtu á undan næsta tíma, hittumst kl. 20:30 og böðum okkur saman minn kæri Veddi.

(En að sjálfsögðu hlaut ég enginn meiðsli við þessa byltu) 

kv.

BNAK

[Arnar (IP-tala skráð) 31.1.2008 kl. 23:19]

Þetta er tær fegurð, hér falla tár...