Guðirnir gráta í dag

Veðrið er viðeigandi á þessum sorgardegi.  Í gærkvöldi gerðust þau voðaverk að Knattspyrnufélagið Puma laut í gras í 8-liða úrslitum Bikarkeppninnar.  Þrátt fyrir góðan seinni hálfleik, varð liðið að gjalda fyrir þann fyrri  sem var afar slakur af hálfu þeirra hvítklæddu. Eftir að hafa farið inn í leikhléið  tveimur mörkum  undir, var alltaf  á brattann að sækja fyrir Púmurnar.   Menn börðu sig þó saman í hálfleik og voru harðákveðnir í að spýta í hófana og snúa leiknum við, annað kom einfaldlega ekki til greina. 

Með never-say-die hugarfari tókst okkar mönnum að koma sér aftur inn í leikinn með góði marki frá Annel Helga.  Ekki leið á löngu þar til Vésteinn tók til sinna ráða og óð inn í vítateig andstæðinganna af harðfylgi og stóð af sér atlögur tveggja varnarmanna áður en hann laumaði tuðrunni í netið úr þröngu færi.  Staðan orðin jöfn og vindurinn allur í seglum Puma.  Þrátt fyrir viljann og nokkrar ágætis tilraunir tókst ekki að láta kné fylgja kviði.  Á þessum tímapunkti virtust liðsmenn Kumho vera brotnir og síst líklegir til að ógna marki Púmunnar. En allt kom fyrir ekki, Kumho komust upp hægri vænginn þegar 4 mínútur lifðu leiks, boltanum var rennt inn á miðjan völlinn tæpa 20 metra frá marki þar sem Kumho leikmaður stóð einn og óvaldaður. Hann hafði tíma til að leggja knöttinn fyrir sig og ná innanfótarspyrnu út við stöng , sem Þorleifur í markinu réð ekki við.  Lokatölur 3-2 Kumho í vil. Bikarævintýri Puma 2007 er lokið.

Geðshræring, vanlíðan og ógleði.   Kýldur-í-magann pakki !  


Liðið:  Leifi, Hreiðar, Viggi, Evert, Már Jr, Varði, Alex, Árni, Már Þ, Ívar, Veddi

Bekkur:  Viðar, Gunnar, Benni,  Annel, Þórhallur, Magnús, Gummi, Böðvar

Mörk Puma:     Annel, Vésteinn

Maður Leiksins:   Vésteinn Gauti Hauksson.  Fernan var aldrei reiðubúin að játa sig sigraða og lét vel í sér heyra allan leikinn, reif liðsfélaga sína með sér og hélt þeim á tánum.  Skoraði jöfnunarmarkið á viljanum og baráttunni sem var einkennandi í hans leik í gærkvöldi.  Hugarfarið skiptir máli.

- Ritstjórn.

Athugasemdir

[Ritstjórn Puma , 3.9.2007 kl. 13:01]

Lýst er eftir Arnari Halldórssyni leikmanni Puma.  Menn gera því nú skóna að munurinn á liðunum í gær hafi ekki verið mikill, og hafi beinlínis verið fólgin í fjarveru Arnars.  Hr. Halldórsson er vinsamlegast beðinn um að gera grein fyrir fjarveru sinni um leið og hann biður liðsfélaga sína afsökunar á því að hafa FELLT þá út úr bikarnum.

Vissulega þung byrði sett á herðar Arnari þarna, en sem lykilleikmaður verður pilturinn að axla þá ábyrgð sem "starfinu" fylgir.

 Takk Arnar ...takk takk.

[Hreiðar (IP-tala skráð) 3.9.2007 kl. 14:29]

Miðað við góða innkomu í seinnihálfleikinn áttum við að hafa þetta - augnabliks aumingjaskapur í lok síðari hálfleiks færði þeim sigurinn.

Veddi var gríðalega ákveðinn í þessum leik og ef við hinir hefðu verið hálfdrættingar á við baráttuna í honum þá hefðum við unnið. Evert kom líka sterkur inn í seinni hálfleikinn eftir að vera sofandi með hinum varnarmönnunum í fyrri hálfleik.

vona að þetta kenni mönnum að vera komnir heim amk. fyrir kl.6 á leikdegi.

[gaui (IP-tala skráð) 3.9.2007 kl. 14:48]

takk fyrir skemmtilegan leik í gær... einn af þessum leikjum þar sem sigurinn hefði getað endað báðum meginn...

[Árni Þór (IP-tala skráð) 3.9.2007 kl. 19:09]

Ég tek tapið á mig!!  Ég hefði átt að spila miklu betur.  Þetta Kúmó lið var ekki upp á marga fiska.  Ef ég hefði náð að spila á hálfri getu hefðum við rústað þeim. Sorry strákar, bið ykkur innilega afsökunar á lélegum leik.  Tel það því skildu mína að segja stöðu minni í liðinu lausri og óska ykkur alls hins besta í framtíðinni.  Það hefur stundum verið frábært að spila með ykkur og kem ég til með að minnast sumra stunda um ókomna tíð.

Takk fyrir mig,

Kveðja, Árni Þór(dansarinn)

[Vési (IP-tala skráð) 3.9.2007 kl. 20:49]

Ég þakka fyrir mig.

Maður var helvíti fúll í gærkveldi eða alveg þangað til að ég áttaði mig á að liðið gerði það sem krafist var af því í hálfleik. 

Við börðumst eins og ljón í seinni hálfleik og féllum út með sæmd.  í lokin má segja að þetta hafi verið óheppni.

Nú er ekkert annað fyrir okkur að gera en að mæta hressir í næstu 2 leiki og hafa gaman að þeim eins og Evert benti réttilega á eftir Kumho leikinn þegar ég sagði við hann:  Hvað gerum við nú?  Við höfum gaman af þessu sagði Evert þá.

 Því stefnum við Puma menn á að hafa gaman af þessu og vinnum síðustu tvo leikina þetta sumarið og byrjum að æfa 15.nóv fyrir næsta tímabil.

 kv

[Leifi (IP-tala skráð) 3.9.2007 kl. 23:39]

Sælir.  ÉG tek þetta allt á mig, öll mörkin!!  Átti að verja þetta allt.  1) skot framhjá Vigga og út við stöng Mar á bara að taka þetta (taka svona 10 ár til baka). 2) Maður einn innfyrir, þetta á maður bara að verja þetta á ekki að fara svona í gegnum hausinn (koma svo fórna helv hausnum í þetta).  3) Boltinn sendur út í teig og þaðan í hornið við stöng, klárlega löngu lesinn bolti sem Mar á bara að taka! (taka svona 5 ár til baka).  Þannig að það er klárt að gamli er að grána.  EF þið viljið formlega uppsögn þá er hægt að biðja ritarann minn um hana.  Leifi Keeps.

[Arnar (IP-tala skráð) 4.9.2007 kl. 00:40]

Ég þakka ritsjtórn það traust er mér er sýnt.

Ég átti illa heimangengt í gær, er á síðasta snúning með að selja íbúðina mína, og var að gera allt klárt fyrir það. Ég ætlaði að reyna að koma en fékk þau skilaboð að þarna væri nægur og sægur af mannskap svo ég taldi að liðið þyrfti ekki mína krafta...

EN leitt að heyra að við skulum vera fallnir þarna úr keppni, djöfull og helvíti!!

[gosi (IP-tala skráð) 4.9.2007 kl. 01:12]

Þakka ykkur púmum fyrir leikin og bödda fyrir bjórinn, takk takk

kv Gosi kumho

[bnak (IP-tala skráð) 4.9.2007 kl. 10:16]

Menn hljóta að sjá að það gengur ekki að byrja svona sterkan bikarleik með menn einsog Þórhall,Gunnar,Viðar,Magnús,BNAK á bekknum þá lofar framhaldið ekki góðu. En grátlegt að komast ekki áfram

kv.

BNAK

[VIP (IP-tala skráð) 4.9.2007 kl. 10:44]

Sjaldan eða aaaldrei hefur bekkurinn verið svona grimmur. Sterkari "stjórnarandstaða" hefur ekki sést hjá Púmunni í sumar !!  Skandall að þessir menn skuli ekki fá fleiri mínútur í liði sem var ekki að geta blautan í 50 mínútur, það er greinilegt að sumir eru í áskrift hmm ha hmm

Það er alveg sama hvernig liðið spilar og æfir, þaaaað er algjört aukaatriði.