International Fagrilundur

Það var fjölmenni/menning mætt í Fagralund Puma í gærkveldi, mánudag. Þá leiddu saman hesta sína í vináttu-æfingarleik lið Puma, ásamt nokkrum leikmönnum HK heldri, og hið alþjóðlega lið FC Asía, skipað leikmönnum frá hinum og þessum löndum þessarar stóru heimsálfu. Til að gera gott betur og hafa alþjóðleikan í fyrirrúmi þá var dómari leiksins hin magnaði Svíi Lee Hong Yii, en Lee átti stórleik í dómgæslunni og þaut um völlinn eins og vindurinn og lék alveg frá byrjun í stöðu dómara og línuvarða og var með gjörsamlega allt á hreinu, enda með dómararéttindi frá Djurgarden.

Mæting í leiki Puma á sumrinu hefur verið með ágætum og hefur hingað til ekki verið kvartað þegar margir mæta í leiki. Þó má segja að í gærkveldi hafi mætingin verið einum og mikið af því góða. Mættir voru 24 manns tilbúnir að leggja allt sitt af mörkum til þess að sigra hið alþjóðlega lið FC Asíu. Var ákveðið strax í byrjun að skipa tvo menn í hverja stöðu og skiptu menn sitthvorum hálfleiknum á milli sín, en spilað var 2x40 mín.

Leikurinn fór vel af stað að vanda og spilaði Puma ágætis knattspyrnu. Viðar Ingi Pétursson var að byrja leikinn gríðarlega vel, sífellt ógnandi á vinstri vængnum og sýndi oft á tíðum mikil tilþrif með hættulegum sendingum og leikni sinni með knöttinn.[einstök atriði í umfjöllun kunna að vera röng]  Þó var staðan 0-0 í hálfleik og voru Pumur sammála um að það ættu ekki að vera lokatölur leiksins. Slæmt atvik átti sér stað rétt fyrir lok seinni hálfleiks en þá þurfti Árni Þór Eyþórsson að fara meiddur út af þar sem hann snéri sig á ökla. Gert er ráð fyrir því að Árni verði þó orðinn klár fyrir bikarleikinn á sunnudag.

Það leið ekki á löngu í seinni hálfleik þangað til Vésteinn Gauti Hauksson setti boltann í netið við gríðarleg fagnaðarlæti allra Puma á vellinum sem utan hans, 1-0. Vésteinn bætti svo marki við nokkrum mínútum seinna, 2-0. Vésteinn greinilega kominn á skotskóna aftur og staðráðinn í því að ná í gullskó Utandeildarinnar þetta sumarið, en Vésteinn er einn af 4 markahæstu mönnum deildarinnar. Það var greinilegt að leikmenn Puma voru komnir á sporið. Í framhaldi af mörkunum tveimur áttu Pumur nokkur dauðafæri þar sem bæði Böðvar og Ívar Jónssynir komust í upplögð færi. Það var þó Benidikt Nikulás Anus Ketilsson sem skoraði þriðja mark leiksins, að gríðarlegu harðfylgi, staðan 3-0. Fjórða og síðasta mark leiksins skoraði svo Böðvar eftir að Gunnar Sigurðsson, sem þótti vel girtur í leiknum, gaf skemmtilega sendingu á drenginn sem renndi boltanum framhjá markmanni Asíu með viðkomu í varnarmanni, 4-0.

Óhætt er að segja að Puma hafi verið mun sterkari en lið Asiu. Heilt yfir lék lið Puma ágætis bolta, en alltaf erfitt að dæma liðið sem heild þar sem 24 menn spiluðu leikinn. Þó átti Vigfús stórkostlegan leik í hjarta miðjunnar og átti ástríkt og innihaldsmikið samband við dómara leiksins á meðan leiknum stóð. Ritstjórn skilst að það hafi orðið eitthvað meira eftir leikinn. Það var einnig gaman að sjá Hreiðar Þór Jónsson koma aftur inn í lið Puma, en aðstoðarframkvæmdastjórinn hefur verið í fríi síðustu vikurnar.

Skemmtilegur leikur sem og ágætis æfing fyrir einn mikilvægasta leik tímabilsins sem er á sunnudag, Leik Puma og Kumho í átta liða úrslitum bikarkeppninnar.

Byrjunarlið:
Gummi
Már Yngri - Rúnar (HK) - Alexander - Maggi E.
Varði - Benni - Arnar- Viddi
Veddi -  Siggi (HK)

Bekkur: Allt of margir til að telja þá upp!

Mörk: Vésteinn (2), Benedikt, Böðvar

Stoðsendingar: Gunnar Sigurðsson 2,  ?

Maður leiksins:  Dómarinn. Átti klassa leik og skammaði menn grimmt, bæði í leik og hálfleik.

Athugasemdir

[Þernan (IP-tala skráð) 28.8.2007 kl. 09:52]

Dómarinn var klárlega maður leiksins.

Svo væri gaman ef það væri hægt að lýsa mörkunum aðeins betur eins og gert var eftir síðasta leik.

Segja t.d:  Varði vann boltann á vinstri kanti, eins og eldingin leit hann upp og sá smá glufu opnast,  hann snýr uppá spjaldhrygginn og lætur löppina vaða í boltann sem þytur af stað í átt að Vésteini sem hafði skapað sér pláss ca 8 metra fyrir utan teig andstæðinganna vinstra megin.  Boltinn skoppar á grasinu um leið og áhorfendur tóku andköf.  Vésteinn leggur hann fyrir sig og lætur bylmingsskot ríða af.  Markvörðurinn sá líf sítt sem leiftur í huga sér og fraus því boltinn hafði ferðast 30 metra hraðar on nokkurntímann áður og söng í netinu.  1-0 var staðreynd og Pumur um allan heim fögnuðu langþráðu marki.  Markið var stórglæsileg samvinna tveggja tvívetra knattspyrnumanna sem vissu allan tímann uppá hár hvað var í aðsigi.  Sendingin fullkomin og skotið minnti helst á geymskot þar sem boltinn þaut af fæti Vésteins og beinustu leið í blá-fjærhornið án þess að markvörður andstæðinganna kæmi nokkrum vörnum við.  STÓRKOSTLEGT MARK EINS OG PUMA SÆMIR.

KV

[Ritstjórn Puma , 28.8.2007 kl. 10:18]

Er aldrei neitt nógu gott fyrir þig Vésteinn ??  Ábendingin er tekin til greina.  En Ritstjórn hefur bara svo og svo mikinn tíma í þetta þarna Fernan þín. Þetta er nú einu sinni hlutastarf fjandinn hafi það.   Heimtufrekjan, tilætlunarsemin  og vanþakklætið veeeeður uppi í þessum klúbbi.  Það er verið að drita inn færslum á síðuna, jafnvel meira en góðu hófi gegnir, en neeeei nei ..þá er það ekki nógu gott.