Annel Helgi til ÍR!

Annel Helgi Finnbogason leikmaður Puma hefur ákveðið að söðla um og hefur byrjað á fullum krafti að æfa með meistaraflokk ÍR. Annel sem leikið hefur vel með Puma á leiktíðinni sagði í viðtali við ritstjórn vilja fá betri æfingu en fyrir er hjá Puma þar sem hann gæti meðal annars bætt tækni.

Annel sagði í samtali við ritstjórn, “Pabbi er búinn að vera pressa grimmt á mig að fara á fullum krafti í þetta. Ég átti gott samtal í framhaldi af því við þjálfara ÍR sem bauð mig velkominn á æfingar með liðinu. Það er einmitt ástæðan fyrir því að ég mætti ekki í leik Puma og Dufþaks á sunnudag. Þá var ég einmitt á minni annarri æfingu með liðinu.”

Annel kemur þó til með að mæta í þá leiki sem Puma á eftir á þessu tímabili, enda kemur drengurinn ekki til með að spila leiki með ÍR það sem eftir er af sumri. “Já, ef það er í lagi að mæta bara í leiki þá hefði ég fullan hug á því að gera það með Puma, enda verð ég á æfingum svo að formið kemur ekki til með að hverfa.” sagði Annel að lokum.

Í samtali við Böðvar Jónsson framkvæmdastjóra Puma sagði Böðvar, “Það er alltaf ánægjulegt þegar menn vilja taka skrefið fram á við og styður stjórn Puma leikmenn til þess. Annel kemur til með að mæta í þá leiki sem eftir eru að tímabilinu þannig að strákurinn er ekki alveg horfinn frá okkur. Svo er bara að sjá hvort að hann komist í liðið og verði með ÍR næsta sumar. Það er alltaf leiðinlegt að missa leikmenn, sérstaklega þegar þeir eru eins ungir og graðir eins og hann Annel okkar, en eins og áður sagði þá hvetjum við menn til að leita hærri hæða hvað boltann varðar ef möguleikar eru á því.”

 - Ritstjórn

Athugasemdir

[VIP (IP-tala skráð) 24.8.2007 kl. 14:02]

"..hvetjum við menn til að leita hærri hæða hvað boltann varðar.."

NÚÚÚÚÚ !?!?!?!   Hef staðið í þeirri meiningu að PUMA væri toppurinn !?!

og erum við bara byrjaðir að HVETJA menn til að stökkva frá borði ?!

[Hreiðar (IP-tala skráð) 26.8.2007 kl. 21:30]

Ánægjulegt fyrir Annel, en skrítið að stjórnin selji mann á svo mikilvægu augnabliki á tímabilinu. Tek einnig undir með VIP, líklega hefur blaðamaður tekið úr samhengi það sem framkvæmdastjórinn sagði.

Puma er auðvita ekki að neyða menn að spila með liðinu eins og VIP þekkir þá geta menn hætt í dag en komið svo aftur á morgun ;-)