Puma - Asía á mánudag

Nýtt lið er um þessar mundir að ryðja sér til rúms í knattpyrnuflórunni hér á fróni.  Þessi félagsskapur er harla óvenjulegur að því leiti að hann einskorðast við hinn Asíska kynstofn. Um er að ræða félagsskap manna ættaðra frá Asíu-löndum eins og Thailandi, Filipseyjum og fleirum. Gölli er drengur sem leikmenn Puma ættu að kannast við, en drengurinn sá er í forsvari fyrir þetta nýskipaða félag og var til að mynda að leysa hægri-bakvarðarstöðuna í æfingaleik Puma við FC Ice nú fyrr í mánuðinum.  Nú hefur pilturinn farið þess á leit við framkvæmdastjórn Puma að fá  “vináttuleik” í Fagralundi, sem að því er ritstjórn kemst næst, hefur verið settur á mánudaginn næstkomandi.

Eins og við er að búast ríkir mikil eftirvænting í herbúðum Asíu að fá þennan leik við jafnt virðulegt og fornfrægt félag og Puma. Böðvar Jónsson hafði litlar sem engar upplýsingar um liðið og styrkleika þess:   “Veistu það ég bara hreinlega veit það ekki, verður þetta ekki bara gaman?, Kannski kenna þeir okkur sitthvað í knattspyrnufræðunum og vonandi getum við hjálpað þeim í sinni uppbyggingu. Ég lít á þetta sem kærkomna viðbót í dagskránna okkar, næsti leikur okkar er ekki fyrr en 2. sept. og bara tilvalið að taka leik á mánudag. Þetta verður allt-að-því eins og landsleikur ...eða þannig ..ha"

Leikurinn fer fram, eins og áður segir,  í Fagralundi á mánudaginn 27. ágúst kl. 21:30.
Hvetjum alla til að mæta.

- Ritstjórn.

Athugasemdir

[Vési (IP-tala skráð) 23.8.2007 kl. 11:56]

Frábært framtak hjá Managernum.

Það verður gaman að spila við þessa stráka og vonandi verða þeir bara í deildinni á næsta ári.  Kannski getum við jafnvel keypt einhverja af þeim yfir er þetta eru einhverjar óþekktar knattspyrnu-perlur.

Ég mæti

[Ingimar Fc Ice (IP-tala skráð) 24.8.2007 kl. 06:30]

við í Fc Ice spiluðum við þá um daginn og gerðum 3-3 jafntefli við þá, þeir hafa á að skipa skemmtilegu liði og eru flestir nokkuð teknískir. Svo eru stuðningsmenn þeirra alveg magnaðir, berja trommur allan leikinn og hvetja sína menn áfram.