Ósæmileg hegðun eða saklaust spaug ?

Á umræðuvef  Utandeildarinnar má lesa margt og misjafnt um lífið og tilveruna utan deilda. Yfirleitt er spjallið notað sem upplýsingaveita um úrslit, markaskor, frestanir, kærur o.s.frv.  Að sjálfsögðu er þar einnig að finna mál- og ómálefnalegar umræður um  ákveðna leiki, lið og leikmenn. Kvartanir vegna dómgæslu eru einnig tíðar, þar sem bálreiðir menn koma beint heim af leik og ausa úr skálum gremju sinnar um tiltekið atvik sem átti sér stað, og gráti næst harma óréttlætið sem þeir urðu fyrir. 
 

Á undan leik okkar á mánudag var vægast sagt athyglisverð viðureign í gangi.  Vængir Júpíters öttu kappi við Kóngana.  Skemmst frá því að segja var sá leikur algjörlega einhliða, lokatölur 17-0 fyrir Vængina. Menn voru margir hverjir furðu lostnir yfir þessum úrslitum, enda höfðu Kóngarnir fyrir þennan leik unnið 3 leiki og tapað 3, með markatöluna 16-12.

 

Á umræðuvefnum hefur þetta verið skeggrætt og dúkka þar upp misjafnar skoðanir á þessu eins og gengur og gerist. Hinsvegar er þar einnig að finna aðdróttanir í garð leikmanns okkar og virðulegt nafn klúbbsins dregið upp úr drullu þar af leiðandi.  Eftirfarandi er klippt út úr pistli frá leikmanni Kónga sem kallar sig Hlynz: 

 

 “Svo að lokum ætla ég minnast á einn leikmann Puma sem var að hita upp á hliðarlínunni undir lok leiksins. Hann virtist fara á leikskólaaldurinn með að hrópa og kalla inn á völlinn eins og leikmenn Kónga væru 5 ára. Það er nógu erfitt að halda ærunni eftir svona flengingu og að menn skuli fara á svona plan með hrópum og köllum að leikmönnum sýnir hversu grunnt er á mönnum. Ég bað viðkomandi um að sýna virðingu, ekkert annað. Fyrir svona eiga menn að skammast sín - ekkert annað!” 

Ef til vill er hér um að ræða mann sem eðlilega er gríðarlega svekktur með frammistöðu sinna manna,  og kann illa að taka gagnrýni eða jafnvel gríninu sem þessu fylgir.  Ritstjórn Puma bloggsins leikur hinsvegar forvitni á að vita hver þessi umræddi leikmaður er og hvaða orð sá hinn sami lét falla sem særðu blygðunarkennd Hlynz ?

 

Sjá má umræðuna á spjallinu  hér.                    

  

 - Ritstjórn

Athugasemdir

[Vésteinn (IP-tala skráð) 15.8.2007 kl. 14:39]

'Eg á þetta skuldlaust!

Eftir að kóngar komust 2 sinnum yfir miðju í lok leiksins sagði ég:

Nei nei Kóngarnir eru að taka leikinn yfir! ( með nokkru háði í röddinni)

Það var nú allt og sumt. 

Kv

[Ritstjórn Puma , 15.8.2007 kl. 15:15]

Dregið verður í Bikarkeppni Utandeildarinnar í beinni útsendingu í þættinum Mín Skoðun með Valtýri Birni á X-inu 97.7  klukkan 13:30  á morgun, fimmtudag.

Fylgist með.

[Arnar (IP-tala skráð) 15.8.2007 kl. 22:44]

Ja, ef Kóngarnir eru 17 mörkum undir og geta ekki tekið vægri háðsglós Vésteins er illa komið fyrir þeim.

[Hlynur Guðlaugsson (IP-tala skráð) 19.8.2007 kl. 18:21]

Sælir - Hlynur heiti ég og er leikmaður Kóngana sem um ræðir hér.

Þetta snýst þetta ekki um hæfni manna að taka gagnrýni, síður en svo.

Hvernig ég heyrði þetta að þá var þetta bara ekki við hæfi, ekki rétt stund og ekki tilefni til að láta þetta út úr sér á þessum tímapunkti. Auðvitað eiga menn að gáruungast, en eins og ég segi, þetta var bara ekki staður nér stund að mínu mati. Þessi einstaklingur baðst afsökunar og svo sem ekkert meira um það að segja nema gott mál. Stundum á verða menn samt að passa sig að sýna mönnum virðingu hvort sem menn höfðu gott að leiðarljósi eður ei.

Kær kveðja, Hlynur