Vonsviknir eftir 5. umferð

Það var sterkur hópur Puma leikmanna sem mætti til leiks á Ásvöllum í gærkveldi. Puma mætti þar liði Elliða sem fyrirfram var baráttuleikur einna af sterkari liðum A riðils Utandeildarinnar.

Elliði byrjaði leikinn af krafti og kom aftan að Puma með að setja mark á 10 mínútu. Strax í framhaldi af því tóku Puma við sér. Leikurinn var í höndum Puma það sem eftir var og voru marktækifærin óteljandi. Elliði sá ekki til sólar í seinnihálfleik þar sem Puma drottnaði á vellinum. Þrátt fyrir óteljandi færi, eins og áður sagði, þá náði Puma ekki að koma boltanum í netið, og voru leikmenn Puma svekktir að leik loknum. Lokaniðurstaða 0-1.

Byrjunarlið Puma var skipað eftirfarandi leikmönnum:

Þorleifur

Hilmar, Viggi, Alexander, Evert

Arnaldur, Binni, Arnar, Már

Ívar G., Veddi

Bekkur: Böðvar, Viðar, Annel, Gunnar S., Þórhallur, Már Júníor

Mörk: Engin

Áminning: Engin

Maður leiksins: Evert Víglundsson

Evert átti glimrandi leik, en hann byrjaði sem vinstri bakvörður. Seinna í leiknum færði hann sig í miðvörðinn og steig ekki feilspor í leiknum.

 

Athugasemdir

[VIP (IP-tala skráð) 23.7.2007 kl. 16:50]

Ömurleg úrslit og vægast sagt ósanngjörn. Það var bara eitt lið á vellinum í seinni hálfleik, en inn vildi tuðran ekki.  Svoneretta bara stundum. Margir vilja meina að Elliði og Vængir séu með bestu liðin í þessum riðli, og mældumst við meira en jafningjar við það fyrrnefnda.  Kommonn bojjjs, við tökum þetta út á Vængjunum næst (uhh ..eða eigum við ekki annars þá næst?)   p.s. til lukku með fínan leik Evert og nafnbótina, 1 stk. MOM í kladdann er fæn  (man-of-the-match)

[Þórhallur Halldórsson, 23.7.2007 kl. 18:23]

Æfing í kvöld kl. 21:30. Það getur ekki sakað að mæta í fagralundinn og ná upp smá samhæfingu í hópinn.

[Fernan (IP-tala skráð) 23.7.2007 kl. 18:56]

Það er engin spurning að EVERT var að spila manna best!  Liðið var annars að mínu mati bara alltsaman ansi gott og spilið var fínt á löngum köflum.  En tuðran neitaði í markið.  Við gerum bara betur næst.

 Kv