Hvar er Fernan?

Vésteinn Gauti Hauksson, öðru nafni Fernan, hefur látið lítið fyrir sér fara í síðustu tveimur leikjum. Fyrirspurnum hefur rignt yfir ritstjórn Puma.blog.is þar sem ritstjórn hefur verið hvött til að fjalla um málið. Fernan sem var yfirlýsingarglöð fyrr í sumar hafði þetta um málið að segja þegar ritstjórnarfulltrúi hafði samband við hana í dag, "Já, síðustu tveir leikir hafa verið mér erfiðir. Ég hef einfaldlega ekki komið tuðrunni í markið. Ég hef hins vegar einsett mér með frekari æfingum að gera betur í næstu leikjum."

Þjálfarateymi Puma fór yfir málið með Fernunni og er hann nú í einkaþjálfun hjá tveimur þaulreyndum Combat Conditioning þjálfurum. Aðrir leikmenn sem telja sig þurfa smá extra hreyfingu er bent á næsta tíma kl. 6:30 á fimmtudaginn.

Fernan sem er enn markahæsti leikmaður Puma á leiktíðinni með 8 mörk bætti jafnfram við, "Við sjáum til í lok leiktíðar! Mótið er ekki búið og ég skal standa við stóru orðin. Ég kem til með að bæta við mörkum í sumar og ætla með að gera það strax í næsta leik. Elliði er sterkt lið og þar ætla ég með að koma sterkur inn og hjálpa Puma að klára þann leik."

Ritstjórn Puma.blog.is vonar að Fernan verði sannspá hvað þetta varðar og óskar henni alls hins besta það sem eftir er að leiktíðinni og að fernur Fernunar verði sem flestar.

 - Ritstjórn

Athugasemdir

[Hreiðar (IP-tala skráð) 18.7.2007 kl. 10:31]

Já við erum nokkrir í liðinu sem hefðum gott af smá combat þjálfun. Áhugasömum er bent á að hafa samband við Vedda til að komast í tímann með honum í fyrramálið - færð mikið fyrir peninginn úr þessum tímum.

[Fernan (IP-tala skráð) 18.7.2007 kl. 21:11]

Þetta eru reyndar 8 mörk.  4 í 1.leik, 1 í 2.leik, og 3 í 3.leik. =8

Má alls ekki við að missa eitt einasta 

 Kv

[Ritstjórn Puma , 18.7.2007 kl. 23:05]

Ritstjórn biðst afsökunar á innsláttarvillu í fréttinni sem þegar hefur verið leiðrétt. Í stað átta marka var sagt að Fernan hafi skorað sjö mörk á tímabilinu.