Glæstur sigur Puma

Puma spilaði sinn fyrsta leik í bikarkeppni Utandeildarinnar í kvöld. Leikurinn fór fram á Fylkisvelli í Árbænum. Þrettán Pumur mættu til leiks á móti tuttugu sprækum leikmönnun Metró. Fyrstu mínúturnar fóru ágætlega af stað hjá Puma sem átti nokkur góð færi, án árangurs. Þá fór að halla á og eftir um 20 mínútna leik voru Metró menn komnir með tveggja marka forustu, 0-2. Ívar Guðmundsson náði að minnka muninn rétt fyrir leikslok og staðan í hálfleik 1-2.

Í seinni hálfleik sótti Puma í sig veðrið og náði að jafna metin, 2-2, þegar um 15 mínútur voru liðnar. Þá var það Arnar sem skoraði stórglæsilegt mark utan úr teig, með föstu skoti, stöngin inn. Þegar voru 4 mínútur eftir af venjulegum leiktíma átti Puma hornspyrnu. Ívar átti glæsilega fyrirgjöf á fær stöng, þar sem Arnaldur stóð einn og óvaldaður og stangaði boltann í netið. Út brutust gríðarleg fagnaðarlæti og Puma var komið í 3-2. Var það loka staðan í leiknum og er Puma komið áfram í næstu umferð bikarsins.

Tveir menn meiddust í leiknum. Varði fékk skurð á höfuð eftir að hafa lent í samstuði og reikna má með því að hann verði frá í eina til tvær vikur. Þá tognaði Hemmi, en þó ekki illa.

Gaman er að segja frá því að Puma hefur sjálfsagt byrjað leikinn í kvöld með elsta varamannabekk sem utandeildarlið hefur nokkurn tíman verði með. Það voru þeir Hermann og Þorhallur sem sátu þar reisnarlegir og studdu við gott lið Puma.

Byrjunarliðið var skipað eftirfarandi leikmönnum:

Þorleifur

Arnar, Viggi, Hreiðar, Hilmar

Varði, Benni, Arnaldur, Annel

Ívar G., Veddi

Bekkur: Hemmi og Þórhallur

Mörk: Ívar (35 mín), Arnar (58 mín), Arnaldur (76 mín)

Áminning: Arnaldur

Maður leiksins: Ívar Guðmundsson

Fyrirliðinn stóð sig vel í leiknum. Minnkaði muninn rétt fyrir lok fyrri hálfleiks og hélt þannig baráttuandanum í liðinu. Átti svo stórglæsilega sendingu á Arnald í seinni hálfleik sem kom Pumum yfir í leiknum og varð til þess að liðið sigraði sterkt lið Metró.

 - Ritstjórn

Athugasemdir

[Arnar (IP-tala skráð) 16.7.2007 kl. 01:44]

Góður karakter í liðinu, koma til baka og við gáfumst ekki upp þrátt fyrir mótlætið (klisja). 

Ívar átti góðan leik en án þess að draga úr gæðum hans vil ég vekja athygli á framistöðu Annels, sem hljóp allan leikinn og Metró menn átti í stökustu vandræðum með piltinn unga.  Ég held líka með hlaupum Annels hafi hann þreytt lið Metró það mikið að við náðum að  haldia þetta út.

[Þernan (IP-tala skráð) 16.7.2007 kl. 11:08]

Ég er sammála Arnari með að Annel stóð sig feykivel í gær.  Hinsvegar var það Fyrirliðinn Ívar Guðmundsson  sem skoraði markið sem kom okkur aftur inn í leikinn.  Hann lagði svo upp sigurmarkið og á það því fyllilega skilið að vera valinn maður leiksins.

Ég var ekki nógu ánægður með frammistöðu mína í gær og mætti því í Combat Conditioning í morgun kl 6:30,  svo er önnur æfing í fyrramálið kl 6:30 og svo einn ein á fimmtudag.  Ef einhverjir hafa áhuga á að koma sér í hrikalegt form á örskömmum tíma eru þeir boðnir velkomnir með mér gegn einhverju vægi gjaldi en ég verð annars einn með 1-2 þjálfara í fyrramálið að píska mig út.  Staðsetningin er MMA félagið Mjölnir á Mýrargötu 2 og eiga menn að senda mér mail ef þeir hafa áhuga.  Ég hef ekki komist á æfingu í ca 8 vikur og því er formið farið að dala.  Ég lofa ykkur skemmtilegum morgni og smá svima í lok tímans og svo auðvitað auknum árangri á knattspyrnuvellinum í kjölfarið.  Auk þess yrði ég afar þakklátur ef einhver kemur því tímarnir eru viðbjóðslega erfiðir ef maður er einn.

kv