Bikar á sunnudag

Næstkomandi sunnudag 15. júlí mætir Puma Metró í bikarkeppni Utandeildarinnar. Þetta verður gríðarlega mikilvægur leikur fyrir Puma þar sem liðið ætlar að vera með í baráttunni á öllum (tveimur) vígstöðvum í sumar.

Sumarið hefur farið ágætlega af stað hjá Puma með þrjá sigra og eitt jafntefli í fjórum leikjum. Mikilvægt er að halda þessu góða gengi áfram og vinna leikinn á sunnudag.

Metró, mótherjar Puma á sunnudag, eru efstir í sínum riðli. Liðið er með níu stig eftir fjóra leiki. Þeir fóru vel af stað og unnu fyrsta leik mótsins á móti Vatnaliljum 7 - 1. Því næst sigraði liðið Kærustuna hans Ara með fjórum mörkum gegn engu. Í 3. umferð deildarinnar mættu Metró Nings, en sá leikur endaði með eins marks sigri Metró. Liðið mætti hins vegar Strumpum, kunningjum Puma, í síðustu umferð deildarinnar, en það voru Strumpar sem fóru með sigur að hólmi í þeim leik sem fram fór á Tungubökkum, 3 - 2.

Í samtali við Hreiðar Þór Jónsson, aðstoðarframkvæmdarstjóra Puma sagði Hreiðar, "Ég hef fulla trú á mínum mönnum fyrir þennan leik. Menn eru þegar farnir að melda sig inn og reikna ég með sterku liði á sunnudag. Vandamálið með Alexander Arnarsson virðist vera að ljúka, en við sjáum fram á að hann mæti í leikinn. Aðrir sterkir póstar virðast mæta þannig að Puma eins og áður kom fram, mætir með sterkt lið til leiks."

Ritstjórn hefur heyrt að Þorleifur komi til með að mæta í ramman á sunnudag, annan leikinn í röð. Ekki slæmmt fyrir Puma að fá þennan knáa og leikreynda markmann aftur inn í liðið, en hann hafði ekki leikið með Puma í eitt og hálft ár er hann mætti í síðasta leik.

Ritstjórnarfulltrúi rakst á Fernuna fyrir utan Fagralund í morgun, en Fernan var að koma frá sjúkraþjálfara Puma.  Fernan hafði þetta um leikinn á sunnudag að segja, "Ég er enn að jafna mig eftir smá tognun í vinstra læri og hægri nára.  Svo var ég með tak í bakinu og einhvern seyðing í upphandleggjunum.  Ég vil nú ekkert vera að tala um ilsigið eða brjósklosið..........  Ég verð þó helvíti hress á sunnudagskvöldið og ég stefni á að láta ekki annan leik líða án þess að setja tuðru helvítið í markið."

 - Ritstjórn

Athugasemdir

[Manager-inn (IP-tala skráð) 12.7.2007 kl. 16:07]

Áfram Puma. Fjölmennið að klárið þennan leik.

Kveðja frá Zagreb,

Manager-inn

[Arnar Halldórsson (IP-tala skráð) 12.7.2007 kl. 23:11]

Á maður ekki að melda sig hér, ég mæti.

[VIP (IP-tala skráð) 12.7.2007 kl. 23:43]

Ohh hvað ég er þvíííílíkt off í þennan leik.  Sem er hryllilegt með tilliti til gefinnar reynslu. Leikirnir sem ég missti af í fyrra voru bara tapleikir, sem undirstrikar hvuzzu grrrríííðarlega mikilvægur leikmaður ég er ;)   Þykir þetta leitt drengir mínir, verð með ykkur í anda.  COME ON YOU WHITE & BLUE !!!

VIP # 21