4. umferð: Puma vs. Vatnalijur: 2-0

Þökk sé frábærum fyrri hálfleik lönduðu Púmurnar sínum þriðja sigri í fjórum leikjum.  Aragrúi marktækifæra litu dagsins ljós í fjörugum en afar einhliða fyrstu 40 mínútum.  Ekki var langt að bíða eftir fyrsta markinu eftir að okkar menn höfðu þjarmað að Liljunum frá fyrstu mínútu og m.a. fengið 3-4 fín færi á fyrstu 10 mínútunum. Þar var að verki hinn síungi og skeinuhætti (en ekki hættur að skeina sér)  vængmaður Már Þórarinsson. Ekki var það hitakreminu alfarið að þakka, heldur áræðni og óbilandi  löngun í að setj´ann, sem hann og gerði af miklu harðfylgi, 1-0 PUMA og algjör drottnun í gangi.
 
Gárungarnir í brekkunni héldu nú að flógáttirnar væru galopnar og mörkin mundu nú streyma inn á færibandi. Sú var þó ekki raunin þrátt fyrir margar góðar sóknir og tækifæri. Það var svo þegar um 15. mínútur lifðu til leikhlés að Arnar Halldórsson fékk góða sendingu inn fyrir fjölskipa vörn Liljanna, sýndi yfirvegun og tók laglega á móti boltanum og átti ekki í vandræðum að afgreiða knöttinn rakleitt í nærhornið, keeper no chance  2-0 PUMA.  Mótherjunum tókst svo að halda stöðunni óbreytt til hlés, en áttu tvær ágætis tilraunir sem Þorleifur markvörður lokaði örugglega.

Seinni hálfleikur hófst með hálfgerðri værukærð af okkar hálfu og komu Liljurnar töluvert ákveðnari  til leiks eftir hlé. Leikurinn jafnaðist svolítið á síðari 40 mínútum þegar þrek okkar manna tók aðeins að dvína. Greina mátti talsverðan aldursmun á þessum liðum og hefði mátt giska á c.a. 6-8 árum yngri Liljur í meðalaldri. En viti menn, reynslan, viljinn og seiglan skilaði þessu örugga sigri sem eins og áður segir hefði auðveldlega geta verið stærri.  Að loknum fjórum umferðum erum við  EFSTIR í A-riðli með 10 stig, en þó með einum leik fleirri en næstu lið.  Þessu starti tekur Puma að sjálfsögðu fagnandi en þó "með klípu af salti" því menn geta vissulega nagað sig í handabökin yfir að vera ekki með fullt hús stiga.

Liðið:

Þorleifur
Hreiðar -Viggi -Alex -Hilmar
Már -Arnar -Benni -Varði
Veddi -Árni

Viðar, Arnaldur, Þórhallur, Annel. 

Mörk: Arnar 1 Már 1

Stoðsendingar:  Vésteinn & Már

Maður leiksins:    Arnaldur Schram. 
Erfitt val því liðið var mjög "jafngott" svona heilt yfir í þessum leik og enginn einn sem sérstaklega tók hinum fram.  Arnaldur hlýtur þó hnossið að þessu sinni.  Átti flotta innkomu af bekknum og Sýndi oft á tíðum lipra takta með knöttinn. Átti nokkrar hættulegar sendingar  og var yfirleitt ógnandi/skapandi  í sínum aðgerðum. Alls ekki slæmt hjá "nýliða" í hópnum.
Hjarta varnarinnar, þeir Vigfús og Alexander voru ekki langt undan, leystu úr flestu því sem andstæðingurinn bauð uppá, öruggir, sterkir, yfirvegaðir og umfram allt héldu hreinu.  

- Ritstjórn

Athugasemdir

[Hreiðar - manager í 3 vikur (IP-tala skráð) 5.7.2007 kl. 22:58]

Já þetta var góður sigur enda allir mættir til að leggja hart að sér og vinna leikinn.

 Leifi kom sérlega sterkur inn í markið eftir að hafa verið úti í kuldanum hjá Böðvari manager í fyrstu umferðunum, reyndar held ég að málið standi á greiðslum sem Leifi á inni hjá félaginu.

 við gripum því tækifærið þegar stjórnarformaðurinn fór ásamt fyrirliðanum til USA og fengum þennan snjalla markmann til að mæta.

umfram allt sigur liðsheildarinn.

[Þernan (IP-tala skráð) 6.7.2007 kl. 00:43]

Mási skoraði eftir hornspyrnu frá mér og Arnar eftir sendingu frá Mása.

Lengi lifi Puma