Er Már enn stríðshrjáður?

Már Þórarinsson vængmaður Puma komst í heimspressuna á síðasta sumar þegar hann varð strandaglópur í miðausturlöndum ásamt fjölda fólks, þar sem Ísraelsmenn voru að gera allt vitlaust. “Það er víst algjör martröð að komast yfir landamærin og við gætum lent í því að bara rétt ná vélinni í kvöld,” sagði Már sem á þessum tíma var staddur um borð í finnskri rútu og sagðist ekki vita hvað það tæki langan tíma að afgreiða rúturnar í gegnum vegabréfsskoðun og toll við landamærin. Már sagðist ekki hafa hugmynd um hvort þau færu beint á flugvöllinn eða upp á hótel er til Damaskus kæmi, það væri fremur óvíst hvernig þessi rútuferð myndi enda.

Þegar rætt var við Má var hann staddur við Le Meridien-hótelið í Beirút í aðeins 3-5 km fjarlægð frá þeim svæðum þar sem Ísraelar höfðu látið sprengjur falla í massavís.

Már kom heim viku seinna og var ánægður við komuna heim, en þess má geta að Már og félagar komust ekki heim á tilsettum tíma. Hann sagði Íslendingana hafa verið komna í rúturnar þegar þeim var sagt að yfirgefa þær. Norðmenn gengu fyrir. Már sagði það hafa verið hrikalegt að horfa á eftir rútunum keyra burt.

 

Þegar heim var komið nýtti Már sér stuðning og áfallahjálp liðsfélaga og kom sterkur inn í fyrsta leik eftir komuna frá Damaskus. Hann viðurkenndi þó á þeim tímapunkti að hann væri enn nokkuð stríðshrjáður.

Már sem spilað hefur 3 leiki fyrir Puma á leiktíðinni hefur ekki ennþá skorað mark fyrir liðið. Því spyr ritstjórn Puma.blog.is sig....... Er Már ENN stríðshrjáður?

Athugasemdir

[Hreiðar (IP-tala skráð) 26.6.2007 kl. 23:02]

Já það er greinilega ekkert sem fer framhjá ritstjórninni og hún á það til að pota í gömul sár og ný. Már hefur sýnt það á vellinum hingað til að hann heldur alltaf sömu stefnu, þ.e. fer til hægri. Ég held að það hafi ekkert með það að gera hvort mási sé stríðshrjáður eða ekki að hann hafi ekki sett hann ennþá - það eru bara ekki margir sem komast að þegar "Fernan" er alltaf mættur á undan öllum hinum.