Yfirlýsing frá Alexander Arnarsyni

Alexander Arnarson hefur beðið ritstjórn um að birta eftirfarandi yfirlýsingu:

Yfirlýsing vegna meints agabrot

Undanfarnir dagar hafa reynst mér og minni fjölskyldu afar erfiðir og tekið mjög á !

Þær aðfarir og þau vinnubrögð sem allir hljóta að hafa tekið eftir er ekki til eftirbreytni.  Vegna mannlegra mistaka gleymdust takkaskór í heimahúsum og kom það ekki í ljós fyrr en á leikstað.  Þetta varð til þess að undirritaður varð örlítið of seinn en um það er mikið vafamál hversu margar mínútur þetta voru og er verið að mæla þetta allt saman af mælingastofu íslands í samvinnu við veðurstofu.  Kæru félagar það er alltof langt mál að fara þylja upp ástæður og afleiðingar þessa leiðindamáls en í framhaldi af þessu hefur stjórn klúbbs og undirritaður tekið þá meðvituðu ákvörðun að ég stígi til hliðar í næsta leik (sunnud) og safni kröftum á bökkum Víðidalsár við laxveiðar næstu 3 daga.

Virðingarfyllst

Alexander Arnarson

Athugasemdir

[Ritstjórn Puma , 24.6.2007 kl. 16:07]

 

Viljum benda lesendum á að puma.blog.is er einnig hægt að nálgast á pólsku á http://puma.blog.pl/    Ritstjóri síðunnar og  "sendiherra" Puma í Póllandi er  Zbigniew Lebowski, sem starfaði lengi sem fiskverkamaður og við þjálfun yngri flokka hjá UMF Herði Patreksfirði. 
Á síðunni má sjá afar áhugaverðar greinar og myndir af starfinu í Gdansk og víðar í norðurhéruðum Póllands.

- Ritstjórn.