Vésteinn stefnir á Gullskóinn

Í samtali við ritstjórnarfulltrúa siðunar sagði Veddi að hann væri staðráðinn í því að taka Gullskóinn í ár. Tímabilið fer vel af stað hjá kauða en hann skoraði ein 4 mörk í fyrsta leik tímabilsins eins og fram hefur komið hér á síðunni. Veddi hefur síðan þá gengið undir nafninu Fernan. Veddi bætti við marki í leiknum í gær, en það var þrumufleygur upp í þaknetið utan af velli.

"Já, það er gaman að þessu. Maður stefnir hátt í ár og er ég staðráðinn í því að við förum alla leið í ár. Til þess að það takist þá ætla ég að gefa mig allan í þetta og ná í Gullskóinn", sagði Veddi ánægður með sjálfan sig.

Veddi sagði jafnframt, "Þetta fer vel af stað hjá Puma, mæting á æfingar hefur verið mjög góð sem og í leikina sem búnir eru. Ef þetta heldur áfram svona þá held ég að við ættum að geta farið alla leið."

"Þó verð ég að segja að ég er óánægður með leik Puma í gær. Auk þess var völlurinn afar lélegur og dómgæslan var til háborinnar skammar. Ég er sannfærður um að við hefðum unnið þennan leik hefði hann verið leikinn á gervigrasi" sagði Veddi að lokum.

Við hjá Puma.blog.is vonum svo sannarlega að þetta verði rétt hjá Vedda og Puma komi aftur með dolluna heim.

Athugasemdir

[Ívar G (IP-tala skráð) 20.6.2007 kl. 13:56]

Vona svo sannarlega að Veddi nái því að vera markakóngur þetta árið. Ég hef nefnilega alltaf náð þeim titli á síðustu 11 árum fyrir utan eitt þar sem mig minnir að Árni hafi verið með jafn mörg mörk og ég. Okkur vantar fleiri svona súper sentera eins og Vedda :-) Ívar G

[Alexander (IP-tala skráð) 21.6.2007 kl. 00:48]

Er þetta ekki spurning um að færa réttu mennina fram og þá er ég ekki að meina þig EMILL !!!